Netîce de qeymeqam Abdullah Koklu bi dirbetin, 2 polîsî merdî û xêlê polîsî zî bî dirbetin. La goreyê îdiayan homara merdî û dirbetinan yena nimitiş. Hêriş ra dima polîsan bi wesayîtan kuçeyan de geyrîyay û anonsê “wa kes nêvejyo teber” kerdî.
Dara Hênê bi hêrişeke gird lerzîya. Şewa verî seatanê berey de ver bana qonaxê qeymeqamtî de bombe teqîya û dima ra bi tifinganê giran dûştê Midûrîyeta Polîsan û lojnamê polîsan hêriş virazîya. Netîceyê hêrişa verra qonaxa qeymeqamtî de qeymeqamê qeza Abdullah Koklu bi dirbetin û bi ambulansî wedarîya nêweşxaneyê sûk. 2 cenazeyê polîsan û xêlê polîsê dirbetin zî wedarîyay nêweşxaneyê Dara Hênî, Çewlîg û Meletî.
Homar yena nimiten
La goreyê hayderîyanê çimeyanê heremî homarê vîndîyayenanê dewlet yenê nimiten. Û ame vaten ke hêriş de 6 polîsî merdîyê û xêlê polîsî zî bîye dirbetin. Hêriş ra dima Dara Hênê de ceyran û xetê înternetî birîyay. Vizêr seatanê sodir de zî polîsan qeza girot bin ablûqa.
Walîye sûk Yavuz Selîm Koşgerî derheqê hêriş de beyanat da û aşkere kerd ke 1 polîsî weşîya xo kerdo vinî û 6ê ci polîs, pêro pîya 20 kesî zî bîyê dirbetin. Koşgerî derheqê qeymeqam Abdullah Koklu ke bi dirbetin de teba nîva.
AMED