Şaredarîya DBP ke Weçînayinanê 30ê Adar de se ra 60 rey girot û amê ser kar, nika rîwalê qedexeyanê qeyûmî gureyînê şaredarî vindernîyay. Qeyûmê bi nameyê Onder Can ke bi tîmanê teybet û polîsan kewno şaredarî midûr Erhan Akkûş karî ra girot û emegdaran ra zî seveknayin waşt.
Şaredarîya ke 6 aşmanê peynî de hetê 61 hezar welatijan amê zîyaretkerden roja 11ê Îlone ra na het şaredarî veng (tol) menda. Bana şaredarî ke açarîya qereqolî qeyûm û polîsan ra qeyir kes nêşono. Hemşaredar Veysel Keserî vist vîrî ke şaredarî hetê qeyûm û polîsan ameya îşgalkerden û da zonayen ke qeyûmî pêrokîn xîzmetê şaredarî yê seba şarî vindernayo.
Gureyînî da vindernayen
Qeyûmo ke seba Şaredarîya Erdîşê ame tayînkerden pêrokîn gureyînê civakî û kulturî da vindernayen. Atolyeya ‘Buka Baranî ya Pitê Domanan’, Merkezê Kulturî yê Rohanî’ û ‘Kreşa Domanan ya Helîn Şen’ yê ke bin banê şaredarî de seba cenî û kulturî gureyînan ramenê, bi fermana Mehmet Şîrîn Yaşar ke zey qeyûm ameyo tayînkerdiş amey giroten.
Herzewbîn rayveberîya Van-Tur ya ke bin banê şaredarî de gureyîn dana ramiten zî amê vûrnayen. Şaredarîya ke çarnîya qereqol, hetê wesayîtanê zirxî dekewtişê şaredarî ameyo giroten. Heto bîn ra qeyûm Abdulkadîr Tunçok o ke hurendîya hemşaredarê Licê Harun Erkuş ame wezîfedarkerden îstifa kerd. Goreyê zonayişan Tunçokî rîwalo ke bê xebera ci o zey qeyûm ameyo wezîfedarkerdiş îstifa kerdîyo.
DÎHA / WAN