Qeyûm Olgun Oner ke hurendîya hemşaredaranê Dersim Nûrhayat Altûn û Mehmet Alî Bûlî de tayînê Şaredarîya Dersim bi şarî keno mexdûr. Sûk de bi rojano xêlê taxî bê awe mendîye.
16ê Mijdare de netîceyê operasyonê qirkerdişî de hemşaredarê Dersim Altûn û Bûl amey binçimgirewtiş û dima ra kî rehîn amey giroten, ruşîyay girotxane. Hurendîya hemşaredaran de yardimkarê walîye sûk Olgun Oner zey qeyûm tayîn bi. Oner ke şaredarî xespkerdîyo, herzewbîn welatijan zî mexdûr keno.
Verîya nika qeyûmê xespkarî, rîwalo ke tewrê nûmayişî bîye welatijan rê 219 TL cezayê pere birna. Nika zî welatijan bê awe terneno. Goreyê zonayişan qeyûm Oner 5 rojîyo awe taxanê Alîbaba, Mûnzûr û Esentepe birnayo. Welatijê ke mexdûr bîye, serd û vewre de şinê awe hênî ra kirêşenê qeyûmî rê îsyan kerdî.
Qeyûmê Şaredarîyanê Wan zî qezayanê Rêya Armûş, Artemêt, Qelqelî û Erdîş de 198 gurekaran karî ra dûr vist. 56 gurekarê bi peyman ê Rêya Arşûşê zî dê heta 1ê Çileya 2017î karî ra bîrê dûr vistiş.
Heta nika nezdîye 50 hemşaredarê DBP amey tepiştiş û 37 şaredarîyan rê qeyûm tayîn bi.
DÎHABER / DERSIM / WAN