Başûrê Kurdistanî de yew serrî ra zêde yo ke krîzê sîyasî û yê ekonomîk esto. No yew serrî ra zêde yo ke wextê îdareyê Barzanîyî vîyarto zî Barzanî fek îdareyî ra veranêdano û hewl dano bi zorî xo îqtîdar de bigîro. Nê semedî ra mabênê hukmatê herême û yê merkezî de krîzêko gird esto. No krîz her çiqas ke xo sey krîzê ekonomîk bido teber zî, krîz esil hetê sîyasî de yeno cuyayîş.
Temaşekerdoxê Sîyasî yê Başûrê Kurdistanî Fexreddîn Mihemedî derheqê krîzê Başûrî de va, “Eke Başûrê Kurdistanî nê krîzî orte ra nêwedarno, beno ke 5 bajaran vînî bikero.”
Talokeyê gird esto
Mihemedî vist vîrî ke dagirkerdişê DAIŞî hukmatê Îraqî ser o tesîrêko gird viraşto’ û qiseykerdişê xo rê wina dewam kerd: “Her çiqas ke ewro 2 blokê cîyayî yê sey sunî û şîa estbî zî, hukmatê Îraqî mîyanê xo de yew parçe yo. Artêşa Îraqî vera DAIŞî de serkewtişê muhîmî qezenc kerdî. Ganî nêro vîrîkerdiş ke pey DAIŞî de tayê welatî ke hetkarîye danî, estî. DAIŞ temsîlkarê blokêk o.
KERKÛK