Dayîk Gurkan dîyar kerd ke Mahsûn’î zerîya kesî nêşiknaynê û hina va: “Mahsûn’î wendişî ra zaf hes kerdênê, her tim wendênê û çîyo ke bander bibîynê embazanê xo reyde bar kerdênê. Her tim waştênê merdiman qezenc bikero. Her tim vatênê ‘Dayê ger ke yew şima rê xirabî bikero zî şima awayo baş nêzdîyê ci bibê’. Dewlete waşt ke qetilkerdişê Tahîr Elçî bierzo ser domanê min.”
Her çar embazan soz day bî
Dayîk Gurkan vat ke Mahsum bi 3 embazanê xo reyde beşdarê xoverdayîşî bi û wina domna: “Azad, Mahsum, Ugur û Sînan. Mahsum û Ugur seba hedîseya Tahîr Elçî nêşînaynê Sûrî ra bivejyî. Aye çax ez şîya Sûr û min înan dî. Min zanaynê ke Ugur û Mahsum nêşkenî bivejyî, la wexto ke min Sînan ra vat ‘lajê min qe nêbo ti bivejyî’ verpersê Sînanî zî zelal bi û vat ‘Dayê ez Mahsum veranêdana û nêşona cayêko bîn’. Ma Mahsumî reyde heta roja peynî zî qalî kerd. Mahsum vernîya ke şehîd bikewo ma ra vat ke ‘Embazê bînî şehîd kewtî û ma tena 7 embazî mendî. Ger ke şarê ma biwarzo lingan ser, ma eşkenî tîya ra bivejyî. Ma awayo bîn qebul nêkenî. Nika 7 fîşekê ma mendî û ma nînan zî seba xo cîya kerdî.’Dayik Gurkan wina peynî kerd: “Wa Erdogan bizano ke ma ci ra nêtersenî. Bêxera Homa tersê ma kurdan çewî ra çin o. Heta dalpeya peynî ya gonîya xo ma do ser şopê domanê xo de bimeşî û tekoşîn bidî. Domanê min seba şarê xo şehîd kewt û no seba ma şeref o.”
ANF/AMED