Ozkan dîyar kerd ke ê nêeşkenî biresnî bi seyan muwekkîlan û wina vat: “Cizîr de qedexeya 90 rojî hem dijî Pêameyîşê Mîyanêteweyî yo hem zî dijî qanûnê Tirkîya yo. Hema zî binê molozan de cenazeyî vejîyenî û cenazeyî nînî şinasnayîş. Ma na babete ser xebatê xo domnenî. Ma do rojê ameyox de raporê xo zî pêşkêşî pêroyîya Tirkîya bikerî.”
Şahidê nimite
Ozkan vat ke nika Cizîr de welatijan bi îdiaya ‘endamê rayvistişî’ yenî girewtiş labelê hetanê nika yew welatij daxî bi delîl nêameyo tepiştiş, îdiayê polîsan de tena îfadeyê şahidê nimite yeno nîşandayîş û wina dewam kerd: “Dadgehan de bi seyan welatijî bêpawitişê pawitoxan ameyî tepiştiş, no zî dijberî huqiqî yo. Ma do seba nê îxlalê heqan û binê cêrzemînan de qetilkerdişê welatijê sivîlan ser sere bidî Dadgeha Ceza ya Mîyanêteweyî ro. No serpirodayîş ser zî xebatê ma tikey mendî.”
FERHAT ARSLAN / ANF/ŞIRNEX