Badê çalekî walitîyê sûk aşkere kerd ke êriş hetê komekê 30-40 kesan virazîya û 1 lejkerî weşîya xo kerd vinî û 3 polîsî kî bî dirbetinî. La çimeyê heremî îdia kenê ke netîceyê na çalekî de homara merdiş û dirbetinan yê lejkeran yena nimiten. Çike teyna 8 cenazeyê lejker û polîsan wedarîyayî nêweşxaneyê sûk. Badê çalekî qeza de qedexeyê vejîyayişê kûçe ke hetê walitî ame ronayene rameno.
Pîlûr de pirodayişî
Heto bîn ra qezaya bîn yê Dersim Pîlûr de kî şewa verî pirodayişî vejîyayî. Gerîlayanê HBDH 22ê Tebaxe de qeza de eştî qereqolê Tornuva ser û peycoy mavêna gerîlayan û lejkeranê tirk de pirodayişî vejîyayî. Pirodayişî 1 kîlometre dûrê navendê qeza, gozeyan de qewimyay û 2 seatî dewam kerdî. Fermandarîya Hereketê Şoreşê Pîyayî yê Şaran (HBDH) aşkere kerd ke netîceyê çalekî de 2 lejkerê tirk merdê, 2ê ci zî bîyê dirbetin. HBDH da zonayen ke no çalekî seba vîrardenê gerîlayanê HPG ke rojanê peynî de şehît kewtî virazîyayo.
DÎHA/DERSIM