Herêmanê Vakûrê Kurdistanî de operasyonê leşkerî yê dewleta Tirk ramenê. Operasyonan de quwetê dewlet zerarêko pîl danê tebîeta Kurdistan zî. Netîceyê bombardûman û eştişê guleyanê topan bi seyan hektarî erazî, merg, hêga, deşt û daristanê Kurdistanî yenê veşnayîş û texrîbkerdiş. Tewr peynî de Dêrsim de rîwalê operasyonê leşkerî daristanan de veş vejya.Qezayanê Dersim Qisle û Pîlemûriyê de badê operasyonê leşkerî 2 herêman de daristanan (birr) de veş vejya.
Goreyê zanayîşanê çimeyê herêmî dewa Zaxge ya ser Pîlemûriyê û dewa Deşt ya ser Qisle ya, çoltarê operasyonê leşkerî ke ame destêkerdiş de pirodayîşî ramenê. Ame zanayîş ke saetanê vizêr şew de operasyon destpê kerd û bi sebebê hêrîşanê hewayî yê helîkoptêranê Kobra çoltarê dewan de veş vejya. Qereqolan zî ver bi nê mintiqayan topî eştî û herêm de veş vila bi. Heta nika veşî de xeylê darî veşîyay û bî wel. Daran ra pîya, ganîyê ke birrî de weşî kenê zî veşî ra zerar dî û tayê ci zî merdî.
DERSIM