Nika zî niya vanê: PKK vana ma herbê qom keme, hama qom kot yo?
Nayê siyasetvanê tirk, rojnamevanê tirk, sermiyanê tirk vanê.
Gerîlla ke Şemzînan guret binê qontrolê xo, o waxt ra na het îdarekarê tirk niya vanê.
Xo noro koraniye, biyayîsan nêvînenê.
2ê asma ilone gerîllayî ameyî Elkê, çê qaymaqamî kerd saye, nî onca hen perskenê.
Sawoke Şemzînan binê qontrolê gerîlla de niyo.
Sawoke gerîlla Elkê de desmala xo dardenêkerda.
Şemzînan ser ra hayê asme û 20 rojî vêrenê ra, nî hona wertê xeyalanê xo derê.
Vanê: Qom poşt gerîlla nêdano, gerîlla teyna ra, eke PKK herbê qomî ramena, qom kotyo?
Pê destunê xo çimê xo guretê, tarî vînenê, hewn vînenê.
Bi taybetiye nî rozan de rojnamevanê tirk na pers persenê. Zovîna tewa era vîr nêno.
30 serrî.
Destcikerdene de “çapulcî.”
Dima “kürt kadeşlerim teröre destek vermez.”
Dima “korucalarımız geldi eşkıyaları yok edeceğiz.”
Dıma “teroristlere destek veren iş adamları var hepisini yok edecğiz.”
Dima 4hezar dewi vêsnayî, kerdî tol.
Dima 17hezar “faîlî meçhulî.”
Dima 50hezar weşiya însanan şiye.
Hona zî jê roza virene fikrînê. Tewa nêmusê. Heqo sene mezgo nînan de. Son sodir xo dibare kenê vindenê. Ha qedenenê, ha qedenenê.
Rojnamevananê tirkan ra niyajnî Nazli Ilıcak xanime numune bidîme.
Niyajnî Nazli Ilıcak perskena vana: Nî herbê qomî danê, kuyo na qom kot yo?
Kes çîno ke cira vazo: Niyajnî, niyajnî ala na çîtîka şaye verê çimanê xora weda, reye hetê kurdan ser miyade çi vînena.
Nê niyajnî, niyajnî, nî ke teyna biyenê, 30 serrî niya çitur dênê pêro.
Niyajnî, niyajnî ala reye televîzyonê kurdan niyade, o waxt ti qomî vînena. Reye sarê xo weda, ala hetê ma ser şerke, niyajnî, niyajnî.  Reyê rojnama xora qederî, rojnama ma de niya de sene resman vînena niyajnî, niyajnî.
Simarê koraniya Olî ama, sima tengûtarî derê niyajnî, niyajnî, xêrqewilî.

***
Endî beso! Nika tam waxt o: Sazî, dezge û rêxistinê ma gune endî tirkî weşiya xora vezê. Rojnamê ma gune pelganê tirkî kêmkerê, televziyonê ma programanê tirkî kêmkerê, siyasetvanê ma eskerakerdîsan bi zonanê kurdistanî bide.