Gunay arde zûne ke 3ê na aşme de dewê înan de yew vêyve bibe û dewê Gilbî ra qorîcî zî şîyê vêyve û pê îşaretê vergî provakasyon kerdîyê.Dewijan zî pê îşaretê serkewtişî cewab dayo qoricîyan û peycoy binatê înan û qoricîyan de perodayîş vecîya yo. Omer Farûk Gunay aşkere kerd ke pê binate kewtişê waharanê vêyvî perodayîş vindarîya, la qoricîyan şar tehdît kerd û vat ‘na îta de nêmunena.’

Hona îfadeyê qoricîyan nêgerîyo

Gûnay da zonayen ke roja bîn waxto ke o şîyo gure, hetê qoricîyan ra pê yew wesayîtî ameyo remnayen û hina va: “Qorîciyan hêver vat ê polîsî û waxto ke mi kamîyê înan waşt pê ziwar gerîya. Dima zî Derezûwa de qoricîyan mi rê eşkence kerd.” Gunay  dazûnayene ke ey yew rayê dî û destê înan ra rema, ters ra hêver çoy ra nêva. 2 roj cuwapê niweşxanê ra rapor guret û gerreyê qoricîyan kerd. Gunay arde zûne ke gereyê ey ser ra 2 rojî viyertî ra, la hama îfadeyê qoricîyan nêgerîyo. Farûk Gunay aşkere kerd ke ‘eke hurendîya ma de mexqoricî bîyaybî nika rona ra îfadeyê ma gerîya bi û caza dîyaybî ma. 

DÎHA/ÇEWLIG