Nî rozan de onca kewtê wertê vanê ‘ramazan o, adir bêro birnayene.’
Kam ra wazenê naye?
Kurdan ra wazenê.
Sawoke Kurdan Tirkiye gureta binê bandire.
Sawoke Kurdî heqanê Tirkan ci nêdanê.
Sawoke savciyê kurdî her roz bi desan Tirkan cenê binê çimî û erzenê hepisxanan.
Sawoke Kurdan dugelanê rojavanî rê hazetê herbî guretê, kewte ra Tirkan dime, tertelê kenê, xozanê Tirkiye vêsnenê û riznenê.
Sawoke Kurdan tirkî kerdo qedexe, nêverdanê Tirkî bi zonê xo, xo bipawê û vanê ‘zonoke nêno famkerdene.’
Fêl û amelê xo çiqas rind beno bibo, nî mordemî dewleta tirkî rê, polîtîka dewleta AKP rê xizmete kenê.
Se vanê raştiye de? Nî vanê ‘ramazan ra avê û tepiya bimirê, demê ramazan de memirê.’
Mislimaniya nînan teyna waxtê ramazan de yena, çiko!
Eke raşt haştiye wazenê, gune îmzan arêkerê, berê hukumatê Anqara dê. O waxt haştiye rê xizmete kenê û xêrode rind kenê, ma pêroyînerê.
Seweta tewrbiyayena Kurdan, kes mecbur niyo ke îmzan arêkero, Kurdî hora haştiye wazenê. Hata ewro çond reye jû het ra adirbirna û bi xêle bedelanê girsan vinetîsê xo zî kerd eskera.
Endî bes o! Haştiye hukumatê tirk dest dera, Kurdan ra teslîm biyayene mewazê!
***
Hukumato nahletme
En hukumato nahletme, hukumatê AKP wo.
Çira?
Numuneyî:
Hona ke serdest nêbî, vatenê:
Ma pêskarnêbiyayena parlamenteran dame we,
Ma barajê weçînîtîsî dame waro,
Ma mesela Tirkiye yê Kurdan halkeme.
Nî vatîsan ra qeyta jû canêard.
Dima bî serdest vat:
Ma bi gurenayîsê (çaliştay) aleviyan na mesela halkeme,
Ma bi rakerdîsê demokratîk (demokratîk açilim) mesela Tirkiye yê Kurdan halkeme,
Ma bi gurenayîsê Romanan, na mesela halkeme,
10 serrî yo AKP serdest a, nînan ra qeyta jû mesela zî halnêkerda. AKP ra avê 59hezar mordemî hepisxanan de bî, nika 132hezar.
Honde zurî kerdî, nî vatîsanê xora jû canêard.
Eke henyo no hukumat endî zureker ra dot, nahletme wo, nahletme.