Ma ravêreyîya yew dîrokî ya krîtîkî ra ravêrenê. Heyena ewro seba ravêreyîya pêvînayîşê çareserîya muzakerî ra zaf kombîyîşê pêvînayîşî virazîyay û nê kombîyîşê pêvînayîşan ra yew netîce nêvejîya. Hînê nê çend rojan mîyanî kura bi se nê pêvînayîşê muzakerî qedîya ha qedîya. En peynî de zî Meclîsê de vetişê niqaşê Qanûnê Asayîşê Mîyanî pêvînayîşê ravêreyî ser o bin kerd. No warî de zî hêvîya heme kesî seba pêvînayîşê ravêreyî ra birîya. Heta no warî de zî bi gorê îdaya KCK zî AKP kombîyîşê Konseya Asayîşê Mîyanî de birîyarê şerî giroto û no warî de AKP zî wazena ke heyana weçînayîşê pêroyine ra nê birîyarê girotişê şerî bilimno. Heme mewzûat ana ame aşkerakerdiş.
No warî de zî heme çî seba ravêreyî weçînayîşê 7’ê Hezîranî ra kilît bi. No warî de weçînayîşê pêroyine de 7’ê Hezîranî de HDP barajî vîyarnena nazî nêvîyarnena û HDP bendî bivîyarno sebeno nêvîyarno se û sebeno? No warî de heme raya pêroyine de zafî kesî wazenê ke HDP nê weçînayîşê 7’ê Hezîranî de bendî bivîyarno û bibo dermanê demokrasî û çareserî. Sewbîna zî heme kes zano ke hînê ne AKP û anezî CHP nêeşkeno ke seba azadî demokrasi ra yew game aver bifîno bibo dermanê çareserî û demokrasi. No sebeb ra zî nê weçînayîşê 7’ê Hezîranê qederê şarî tayin keno. Enka zî seba ravêreyîya pêvînayîşî ra 28’ê sibatî de hetê HDP û hetê hukûmata AKP yew wertax aşkerayî day û beyan kerde. No beyanatê aşkerayî zî suprîza yew eşkerayî bî. Nika zî heme kes seba nê aşkerayîya newe ra niqaşan û muşewre virazeno. Seba no aşkerayî ra bi hetê AKP ra û hetê HDP ra zî no warî de yew memûnîyetê xo nawit û no birîyarê aşkerayî pîroz kerd û yew mîlad hesibna.
Seba beyanatê nê aşkerayî ra bi tena Serekkomar Tayyîp Erdogan fekê ziwanê xo herimna. No warî de bi vatişê Serekkomar Tayyîp Erdoganî ra seke heyete Îmralî yew tewr aşkerayî day û hemserekê HDP Selahattîn Demîrtaşî yewna hewa beyanatê aşkerayî day. No sebeb raya ke hema raya verêna ke Serekkomar Tayyîp Erdogan seba nê aşkerayî ra demogojî virazeno û fekê ziwanê xo herimneno û heta hema zî behsê terorî keno. No fekê ziwanê Serekkomarî ne fekê ziwanê çareserî yo. Bi rewşa eksî ra fekê ziwanê provokasîyonî yo û no warî de enkay ra yew samîmîyet çinî yo. Seba nê aşkerayîya heyeta Îmralî ra seke çapemenî yewna hewa dana. Ewta de yew şaşeya girde esta.Sankî ewta de Rayver Apo vano hema çekan hewanê. Halbûkî anaser yew çîyo newe çinî yo. Bi esil AKP seba ravêreyîya çareserî ra çi game fînena. Nazî senîhewa xo vero çekî hewanênê. No warî de eke bi rewşa raştî ra AKP samîmî ya se wa verê verkan Meclîsê de Qanûnê Asayîşê Mîyanî tepa apey bigîro û o wext no warî de samîmîyetê AKP vejîyeno raşte. No warî de hedreyî de çekî raşte de çînî yo. No warî de zindanan de rewşa nêweşê hepsîyan raşte da. Zindanan de hema zî gedeyî tecawiz û îşkence benê. Nê rewşa tecawizê gedeyan senîhewa îzahet beno.
No îzehet de zî bi esas hukûmata AKP peyamê mesajê xo dana û no peyamê xo de vana eke gedeyê kurd kereyan û molotofan bierzo polêsan ra aqibetê şima ana beno. Zindanan de gedeyê kurdan ser o nê hewa tadayî zilm îşkence û tecawiz dinyayî de nê hewa yew nimûne çinî yo û peyda nêbî yo. Seba nê aşkerayî ra zî bi hesaban ra ayê çepê tirkan vanê ke ma sosyalîstî na zî komunîstî yew propangadaya şerê taybetî gurênenê. Hemberê Rayverê Şarê Kurd ra gurênayîşê nê propagandaya şerê taybetî ne etîka û nezî exlaqî ya. Nê propagandaya şerê taybetî hemverê şarê kurdan ra yew heqareto girdo û eynî wexti de zî yew dişmenetîya nîjadperestî ya. No warî de korê rêxistina çepê tirkan hema zî hişê xo nêgêynê sereyê xo û aqilê mezgê xonê şenikî ra hareket kenê. No warî de eynî vatişê şerê taybetî kenê. Nê vatiş ra zî bi hesaban ra vanê Rayver Apo sewbîna tewr fikirîyeno û Qendîl zî sewbîna tewr fikirîyeno. No tewr fikirîyayîş rewşa birayey nîya rewşa nîjadpereste ya. Bawerîya ma çepê tirkî nê propagandaya şerê taybetî ra fek veradê û nê weçînayîşê dîrokî ra zerar nêdê. Nazî sewbîna tewr zî no hewa rewşa xirabî de ne dîrok û nezî şar înan efû keno.
ZAZA CEBELÎ