Çarçoveyê operasyono ke nameyê ‘Fermandar Faysal Ebû Leyla’ girot de vizêr seatanê sodir de raya Minbic û Cerablûs zî amê birnayen. Quwetanê operasyonî 18 kîlometre rojawayê Bendawê Tişrîn de dewa Qîrat, sûkeka Dadat û 20 dewokê newî xelesnay. Cepheyanê bînî yê operasyonî de zî dewê Xirbet El-Masê û Fers Sexîr xelesîyayî. Avey şîyayişê qûwetanê Meclîsî rameno.
Heto bîn ra Fermandarê Operasyonê Xelesnayişê Minbic Ebû Faysal Leyla ke 3ê aşmî de bi dirbetin û 5ê aşme de weşîya xo kerd vinî, Kobanê de bi merasîmeke heybet ame definkerden.
ANF/MINBIC