Vîyan Dîlara: Emserr serrgêra 17’in a komplo ya û komploya ke hetê hêzê faşîstan ra ameya plankerdiş, nêşkena encam bigîra û her ke şono hîna xorî bena. Ma zî sey şerwanê azadî heme komployî ke Rayberî û Kurdistanî ser o yenî plankerdiş do veng bivejî. Seba ke bişînbî îradeya şarê kurdî bişiknî, komplo viraştî la dekewtî şaşîyêke gird; çimkî çi şar û çi zî şerwanê PKKe rayberîya xo ra dûr nêkewtî. Heta her wextî ra vîşêr ma Rayberîya xo ra hêz girewt û ma her wextî ra vîşêr şorişî ra hadre yî. Eyro hêrişê ke yenî kerdiş verdewamîya komplo yî. La wa hêzê faşîstî na baş bizanî ke çew nêşkeno îradeya şarê kurdî teslîm bigîro.
Do yesîrîye peynî biba
Goksu Tekoşîn: Ez komploya 15’ê Sibate lanet kena. Na komplo tena Rayberîya ma ra nê, heme merdimîye ra ameya kerdiş. Çimkî hedefê hêzê Gladyo de çinîkerdişê heme fikrê azadî estbî û înan zî hedef kerdbî ke do bi yesîrkerdişê Rayberîye, fikrê ci zî çin bikerî. La komplo nêresa hedefê xo, Rayberîya ma her çend ke hetê fîzîkî de ma ra dûr bibo zî hetê fikrê xo de hîna zafêr nêzdîyê ma yo. Seba azadîya fîzîkî ya Rayberîya ma ganî her kes warzo lingan ser û no semedî ra şarê kurdî zî, ma zî hadre yî. Serkewtiş zaf nêzdî yo. Ma heta ke Rayberîya xo azad nêkerî, nêvindenî.
Tamara Warjîn: Komploya Mîyanneteweyî resa serrgêra 17’ine û no zî ma ra rixnedayîşêkî hîna girdêr wazeno; çimkî ma 17 serrî ke Rayberîya xo ra dûrî yî. Duştê ma de dinyaya ke wazena demokrasî werte ra wedarna, esta. Seba ma her serre seba bedilnayîşê qederê şarê kurdî zaf muhîm a. Çimkî ma her serre bi têkoşînê xo raştî û bîyîşê şarê kurdî dîrok ra nusenî. Taybetî zî serra 2016, serra xoverdayîşêkê girdî ya. Azadî bi asanî nîna qezenckerdiş. Mabênê xoverdayîşê ke 12’ê Êlule de zindanê Amedî de ameyî nîşandayîş û xoverdayîşê ke nika cêrzemînê Cizîrî de yenî nîşandayîş de ti cîyayî çin o. La ma zanî ke wextê ke dişmen tewr zaf hêriş keno aye wext ma hîna zaf nêzdîyê serkewtişî yî. Dişmen hewl dano ke heta wisar ma biqedêno la ma zî bi xoverdayîşêkî gird do biresî wisar.