Vera qeraro ke Amerîka seba kadroyanê rayberan yê PKKyî Cemîl Bayik, Duran Kalkan û Mûrat Kalkanî girewtbî de reaksîyonî dewam kenî. Tevgerê Ciwananê Şorişgêranê Welatperweran yê Sûrîye îzehetêk da çapemenîye. Bi desan ciwanî beşdarê îzehetî bîyî. Îzehet hetê Îdarekarê tevgerî Welat Çîyayî ra ame wendene.
Çîyayî va ‘na kongre heme ciwanî ardî têhet’ û wina dewam kerd: “Heme ciwanî do bi na wesîle Kobanê û Girê Spî de bêrî têhet û vera hêrişê qirkerdişî de bibî cewab. Wa herkes bizano ke ciwanê kurdî do hetê YPG û YPJyî de bivinderî. Ciwanî qerarê Amerîka nêşinasnenî û ciwanî vera qerarî de bêveng nêmanenî.”
Çîyayî dewamê qiseykerdişê xo de wina va: “Siloganêkê ma yê ‘kadroyê rayberî zerrîya ma yî’ esto û yê ke vera çete û xayînan de şer kerdî, nê kadroyê ma yî. Cok ra nê qerarê Amerîka, ne hetê ciwanan ra û ne zî hetê şarî ra nîno qebulkerdene.” Îzehetê ciwanan bi siloganan qedîya.
ANHA / KOBANÊ