Hewldana Cuyeyê Çandî û Xozayî û Komeleya Şewiriyayîşê Karkerêy Rojaneyî semeda ke persgirêkanê karkeran a weşî, perwerde, miqateyî û asayîşî biveynî projeya ke nika ra ver vernîyaz kerdbî dekerd pratîkî.
Çarçiweya projeyî de yeno armanckerdiş ke semeda karkeran qadê keyeyan ra bigî heta qadê perwerdeyî û qada zîretî de zî modela rayîrberîya cewherî bivirazyo.
Persgirêka miqatkerdişî
Karaçorlu bal ant ser welatîyêy ke şaristanêy Kurdistanî ra koç kenîy şaristananê rojawanî û vat: “Dewlet semeda karkerêy zîretî rê hetê cuyeyî û miqatkerdişî de paşte nêdano, heya no babetî de înan rê zehmetîyan veceno. No semed ra zî karkerî semeda ke bişînbî cuyeyê xo bidomnîy, neçar manenîy ke koçî şaristananê rojawanî bikerîy û mîyanê zor û zehmetîyan de bicuyî.
Nînan ra zafaneyî ci şarîstanê ke şonîy zî taybetî hetê cayê ke çamûr û awkin de yenîy cakerdiş. Tîya de hêrsa karî ya kesêy ke no karkeran sero çawiştî kenîy zî bandorek gird no rewşa karkeran sero keno.”
Projeya qadê cuyeyî
Karaçorlu ard ziwan ke heqê cuyayîşî ya karkerêy zîretî bi no hawa yeno çinîkerdiş û wina donma: “Heqê cuyayîş û miqatekerdişê ya her welatî û keyeyî, cuye û qadê xebatkerdişê karkeran de bi temamî çinî yeno hesapnayîş.
Ger ke karker koç kerdo û yew cayo ke zîretî de xebetyeno se aye wext hetê perwerde, resnayîş û xebetyayîşî de ti heqê ci nîno qebûlkerdiş. Semeda nê persgirêkîy bêrî çarekerdiş zî tay projê ameybî vernîyazkerdiş.
Mîyanê projeyan de semeda karkeran modelek newe ameyo vînayîş. Na model zî semeda şert û mercêy xebatî ya welatê ma modelek newe û muhîm o. Bi no modelî yeno armanckerdiş ke karker him hetê perwerde, weşî, resnayîş sewbîna persgirêkêy karkeran bêro çarekerdiş.
Ma wazenîy ke welatê ma de rew rojdema rayîr berdişî zî bibo û ma no vernîyaz kenîy.”