Bername sifteyin bi rêz girewtişî destpê kerd. Di bernameye de sifteyin berpirsîyarê sazîye qise kerd û vat ke di ewro bernameyî de cenîyê bextwaştox qise bikerî, senî noca amey, remayiş senî yew hîs o? Nê cenî bi domananê xo hutelek qey welata xo, malbata xo terk kenî û noca yenî? Heme nê persan ra verpers bêro vînayiş.Peynî zî temsîlkara Daîreya Komele ya Stutugarte Stefan Spatz qise kerd.
Spatz vat ke di Ewropaye de seyî ra 75’ê mêrde koç kenî, çimkî cenîyan nêeşkenî bi domananê xo biresî Ewropaye. Nika di yurdê bextwaştoxe de 2250 bextwaştox cuyenî û nê kesan 700’ê domanî û 105’î maye yê, ê wazenê cenîyan ra weş yew perwerde bidî. Di bernameye de yew cenîya bextwaştoxa Afgan qise kerd û vat ke a nêçare welate xo ra remaya û wina vat: “Çimkî malbata min, waştî min bi zorî yew kesî de bida zewijyayiş, no ser zî min zî rema. Peynîya zehmet û telukeyan ez resaya Almanyaye, di normale de ez Afganistan de mîmar bîya la noca de lal û ker bîya. Ma nêçareyeke seba malbata xo heme çike xo feda bikerî.”
Di bernameye de Kobanê û Şengale zî nêame vîrkerdiş. Di bernameye de seba cenîyê bextwaştoxê Şengal û Kobanê mojnayiş ame viraştiş.
STUTTGART