Bi nê wekîlan mêjîyê min de plan û programêk estê ez do berî sere. Semed naye zî lazim tenê hîrê partî meclîse de ca bigerê. Lazim HDP binê benda weçînayişî de bimano. Yanî weçînayiş de rayêko şar bido ci lazimo binê %10 î de bê. Sera des biwêrê 400 wekîl nêşkeno bigero. 

Bernamêk serêy cêde esta nêşkeno bero sere. Hema wextê xebata weçînayiş ame vînayiş HDP binê benda weçînayişî de nêmanena. Şar semed no hîris serîyo bi bandorê yew partî û yew merdimîy ra bifeletyo. No hîris serî de zehf çiy verê weçînayişî vato la yew vatişê xo zî bi ca nêardo. Verê weçînayişî behs û qala demokrasi kerdo, ray girewtê. Sera des bend heme wexted vat; semed demokrasi eybêko, şermêko girdo na rey ez do wedarî. Biyo îktîdar zey xo kerdo. Xo, malbata xo û derdorê xo dewlemend kerd, şar xizanîy anta.

Verê weçînayişê hewtê hezîranî Demirtaşî hevserokê HDP se vat: ma do to nêkerime başqan. Bi saya serê şarê kurd, şarê demokrat, rewşenbîr 400 wekîl nê semed bibo hukumet 276 wekîl zî nêgirewtî. Verê hewtê hezîranî buro û bînêy HDP kerdî hedef êrîş berdîy ser. 

Mitîngê 5 ê hezîranî yê Amedî de bomba teqna. Waşt qetlîam virazo. La bi heşyarîya şarê Amedî verniya qetlîamî ame girewtiş. 5 şehîdî no teqîne de virazya. 

416 bîrîndarî ho hîrê mengî derbas biyo hema zî bi desan hevalê ma hem welatiyê ma birîndar. Tedewî benê. No zilm zordestî û wehşet şino kamî vîrî ra? Merdim merdim bo, xîçêk wijdan merdimî dir bibo, merdim senîn xo vîrrakero. 

Badê weçînayişê Hewtê Hezîranî lazim bi hukumetêk biyamebê viraştiş. Hukumetêko herî tay di partîyan ra qowalîsyon bibayê. La temamê koyanê Kurdistanî ser bi teyaranê şer û bi elîqopteran adir varna. 

Daristanê Kurdistanî vêşnay. Şarê kurd waşt şewatî hewnakero. Daristanî bixelesno adir û şewatîra, la bi tanqan, toman û kirpîyan bi hezaran leşker û polîsan nêverda şar adirê koyan ê daristanan hewna kero. Ca ca bi hetkarîyê şarê der û dorî ame hewnakerdiş. Ca ca zî bi hemdê xo vêşya. 

Tenê koyê Kurdistanî nê nê koyan ser an zî nizdî nê koyan dewîy bibî erdê ramitişî yê zadî, erdê darê fêkiyan, rezî bibîy. Nê koyan ser koçerî yena kerdiş. Bi hezaran heywanê koçeran nê koyan de çerê. La xoza bi xo heywanêko na xwezade cuyen pêro çinê bi.

Nika zî êrîşê navçan keno. Şar nê navçêko êrîş tede yeno kerdiş nobeta xo yê ewleyîya xo geno. Çal û çixûran dano a. 

Semed ewlehîya xo. Heta ewro nê şarî zilm û teda polis û leşkere na dewlete ra diyo. Bi seyan deway dadgeha Ewropa de resey encamê xo. 

Cayêke zilm û teda polis û eskerî ra virazyo. Walî û qaymeqam hetkarîya nê zilmîy bê. Dadgehan de ti cezêke nêgerê. Qetlîamê Roboskî verê çiman de. 34 merdimî qetil kerdî ka kamî cezêke girewt. Çira ti wo nêvacê ez ewlehiya xo gena. Xelasî demokrasî de ya. 


Nesîp GULTEKÎN