Serokwezîro tirk Recep Tayyîp Erdogan ke kata sono, “rêxistina ciyakara terorîste” ra qesey keno. Kam ke eyra ferqin fikirîno, îman keno û ciwiyeno, O “terorîst o, cîyakar o.” Hetê ra nîşto ro Rayverê şarê kurdî Abdullah Ocalanî de qesey keno, hetê ra kî hona vano “Rêxistina ciyakara terorîste”

Hefto peye waxto ke Almanya ra cera ra teyara de onca no vatîs ard kar. Vano bi taybetiye îta gurenayîsê “Rêxistina ciyakara terorîste û yê aleviyanê bê Alî” esto. Aleviyan kiseno, alevî verva na zulm numayîsan virazenê, cira vano nî “terorîst” yê. Eskerê xo, polîsê xo aleviyan kisenê, sermiyan o yo, hama o terrorîst nêbeno, mexdurê ey benê terorîst.
“Rêxistina ciyakara terorîsta” ke Recep Tayyîp Erdogan vano, wazena pêro şarî û kulturî piya û bi têdsutiye biciwiyê. Wazena pêro şarî bi zon, kultur û rengê xo têmiyan de bêdismeniye biciwiyê. Yê keşî ne jede ne kî kemî tewayê xo bibo. Rêxistinake Recep Tayyîp Erdogan jê “Rêxistina ciyakara terorîste” misneno, 40 serrî yo verva ciyakariye dana pêro. Eke ciyakariye û terorîstiye na yê, ma ciyakar û terorîst îme! Ciyakariye her tim dewleta ecdadê AKP kerda, nika kî hukumatê AKP keno.
Aleviyêke Recep Tayyîp Erdogan jê “terorîst” misneno, hata nika gonya kesî nêkewtê.
Aleviyêke Recep Tayyîp Erdogan jê “terorîst” misneno, îtîqatê kesî rê heqeret nêkerdo.
Aleviyêke Recep Tayyîp Erdogan jê “terorîst” misneno, hata nika “tek, tek, tek” nêvato.
Aleviyêke Recep Tayyîp Erdogan jê “terorîst” misneno, hata nika binê zulmê dewleta ecdadê Erdogan derê û kesî rê zulum nêkerdo.
Aleviyêke Recep Tayyîp Erdogan jê “terorîst” misneno, felsefa xo haştiye ya. Eke terorîstiye na wa, eyvallah ma terorîst îme!
Pekî terorîst û ciyakar kam o?
Kesoke vano tek, tek... O ciyakar û terorîst o.
Kesoke vano cemevî cumbuşevî, O ciyakar û terorîst o.
Kesoke zono bîn de perverde nêwazeno û desture nêdano, O ciyakar û terorîst o.
Kesoke vano domonî, cenî kam beno bibo, polîs û eskerê ma karê xo kenê, yanî ksenê, O ciyakar terorîs to.
Kesoke Esma rê beveno, hama eskerê û polîsê xoyê ke Ugur, Enes û Ceylan kistê, înan sevekneno, O ciyakar û terorîst o.