Nûmayişê protestokerdişê Komployê Mavêndewletî Kurdistan, Tirkiye û çar leteyê dinya de ramenê.Mayanê Haştî yê ke Komplo lanet kerdî, aşkere kerdî ke, heta ke Ocalan azad nêbo şarê Kurd zî azad nêbeno. Azaya Înisiyatîfê Dayikanê Haştî Zekîye Kaya vist vîrî ke heta 15ê Sibat ê dê meydanan de bê û veng da pêrokîn şaran ke serva serbestiya Ocalan’î bivejyê meydanan.
Dayikan ra Keve Işik zî aşkere kerd ke 15ê Sibat roja tewr tarî yê dinnya ya û wina va: “Ma dê Komployê 15ê Sibat qe vîr nêkerê. A roja tarî do her tim zerya ma de bo. Işik hayr ant tecrîdê vera Rayverê Şarê Kurd Abdullah Ocalan’î ser zî û waşt ke herkes tewrê nûmayişanê protestoyî yê 15ê Sibat bibê.
Işik’î hayr ant kerdenanê Erdogan’î ser û wina va: “Rayver Apo’yî ca û hardê kesî nêveşna, gule nêvûrna kesî ser. O wext çima hona zere de yo û bi tecrîtê giran rî bi rî yo. Işik herkesî ra waşt ke serva serbestiya Ocalan’î destê xo dekerê bin sî û tekoşîn bikerê.
Înisiyatîfê Dayikanê Haştî ra Rabîa Aygur komplo û tecrîdê vera Ocalan’î lanet kerd û va, ma dê na roj xo vîra nêkerê. Aygur va, 15ê Sibat serva mi, roja de cuwyan vindiya yo û wina va: “A roj cuwyan do vindero, ra roj serva ma rojê da tarî ya.
DÎHA/WAN