Eke ma qala Rayverî kenê, ma qala jew ten merdim nêkenê. Ma qala şaran û bîyayene û ameyoxa înan kenê. Tenya şar zî nê ma qala pêroyina merdimayî kenê. Her çiqas Rayverî semeda azad kerdena şaran vejîyenê zî înan tenya jew şar rê azadî nêanê. Heme şaran rê azadî anê.Rayverî nê vindert, têkoşîn ramRayver Apo azadîya şar kurd binyat girot labire qandê heme şaranê ke Kurdistan di ciwîyenê têkoşîn da dest pê kerdene. Bi hera bîyena têkoşîn ra Rayverî bî Rayverîya Rojhelatê Mîyanin.
Rayverî nê vindert, têkoşîn ramit. Ebi na şêwaz xo resna heme merdimayî. ,Bî Rayverê merdimayî. Heme hetê dinya ra bal ant xo ser. Bi taybet zî hetê fikrî de vernîya şoreş û şoreşgeran akerd. Fînak: heme hereketê şoreşgerî di pirtûkê Rayver Apo yenê wendene, ci ra sûd yeno girewtene. Heta tiya temam, ma nêşenê teva vajerê. La na Rayverîya bîbika çiman senî bî ke kewt destê dişmenan. Çira şar kurd şaranê bînan nêeşka Rayverî biseveknê?Rayverîya şaran tim û tim benê hedefEke di fikir di pergal amey têver, galime mezgê ê bîn ser o kenê. Semeda ke komel bê mezg nêşeno bîyayîşa xo biramo. Na het ra bi taybet zî Rayverîya şaran tim û tim benê hedef. Eke Rayverî ame çinî kerden, raste di hiş û îrade şar nêmaneno. Şar zî dim çinî bîyayîşê Rayver ra çinî bena. Hetê laşe ra biciwîyo zî hetê komelî ra mirena. Xora dîroka ma de fînakî wina xeylê estê. Na di sey serre yo ke serewedaritişê kurdan rameno. Heme serewedaritiş şar ma de şikîyayêne esto. Her şikîyêne ra dim Rayverî ameyo darde kerdene. Şar zî tertele ra ameyo vîyartêne. Coka ganî na fin cîya bo. Ganî na çarenûs bêro vurnayene. Eke na fin zî ma vindî bikerê êdî dîrok di bi name kurd teva raste di nêmaneno. Ma xo vîra mekerê ke bîyera kerb bela (deşta bi bela) ra dim heta nika zî tayn şîa serragêra kîştena Hesen û Huseyn de ebi rêzile xo ra danê, heta gonî paşta înan ra bêro tever. Şîa semeda ke Rayverê xo ra wayîr nêvejîyay seserrano ke xo tometbar vînenê.Bê Rayver, vîrdozî û pergal nêbenaSe beno wa bibo, qelenê ci çiçî beno wa bibo, na fin ma Rayver Apo hetê fizîkî de azad bikerê. Na ma rê amancê do rêze nîya. Na amanca serekîn a. Semeda ke heme Kurdistan azad zî bibo, eke Rayver Apo azad mebo, a azadîya Kurdistan zî qet nêbena azadîya rasteqîn. Semeda ke qam bê mezg-hiş nêbena, şar zî bê Rayver, vîrdozî û pergal nêbena. Ma bejin bê sere, sere bê bejin beno? Nêbeno.Bi hezaran mîlîtan wexta ke beşdarî têkoşîna azadî bî û perwerde binyatî vînay, badê coy jûbîn ra vatên: “Ma do şoreş bikerê, Newroza Amed di Rayver Apo û şar ra bêrê têhet û Newroz fîraz kerê.”