Dêrsim ard ziwan ke ti dewlet dema hêrişî hêzêke kena, şar qetil nêkena û dîyar kerd ke terteleyê nika dewleta tirk kena, operasyonê verba gerîla meşnena û operasyonê seba çinkerdişî yê.
Dêrsim da zanayiş ke nê 40 serrî ê dijî na dewletê şerekî dijwar meşnenî û destnîşan kerd ke dewlet nêeşkîyaya hêzê gerîla û hêzê PKKî û hêzê cenîyê biqedîna û wina vat: “Dewlet bi nêzdîbîyîşê ‘Ma do paştî înan bişiknî, bi PKKyeke xurt ra ma pêvînayiş nêkenî, ma do PKK şenik bikerî û do ma ra zî bêro do ma biqedînê, bi no rengî ravêreyeya çareserîyê dest pê bikerî’ hereket kenîy.”
Dêrsim da xuyakerdiş ke dewleta tirk a ke nê bi serranî weş nas kenî, hewl dana heman zûr û demagoîyê pêşkêşî şar û pêroyinî û dinyaya bikera û wina dewam kerd: “Ya ke ma dejnena, terteleyê şarê ma ya. Wa dewlet bizana ke kerb hîna şarê ma xurtêr kena. Ma tevgereke wayîrê tecrûbe, tevgereke şarê xo pawiyenîy û bi mergî zî tevgera ma nêqedîyena.”
Dêrsim vîr ard ke bombevarnayişê artêşa tirk de dewa Zergelê pêroyîna înan a cenî, doman û merdimê extîyar 10 kesan cuyayişê xo dest dayî û wina peynî kerd: “Na yewê çikekî gird nêdana dewleta tirk, dewleta faşîst û tertelekar, bi na yewe ra wazena xo hîna zafêr nêzdî DAIŞî bikera, heme hewldanê dewleta tirk seba na ya. Tevgera kurd bi şerê dijî DAIŞî ra destkewtişê gird bi dest fînena. Dewlet bi derbdayişê PKKê de hesap kena ke bi çi rengî eşkena vîşêr hetê DAIŞî de ca bigêra. Wazenê hîna vîşêr DAIŞî bikerê dostê xo.”
ANF/BEHDÎNAN