Goreyê Meclîsê Ewleyî û Weşîya Karkeran (ÎSÎG) wextê OHALî de cînayetê karî zêde bîyî û beşê înşaat, zîret û kiriştişî, metal, tekstîl û sewbîna de zî karkerî merdî. ÎSÎG xo amade keno ke peynîya aşma sibate de derheqê wextê OHALî de raporêk aşkere bikero.Meclîsê ÎSÎGî ra Ercan Zîncîr û Murat Çakirî qisey kerdî.
Goreyê zanayîşê ke Zîncîr û Çakirî dayî, destpêka 2016 ra heta 21ê temuza ke OHAL kewto dewre, pêro pîya hezar û 45 karkerî merdî. OHAL ra dima temuze ra heta aşma kanûne 925 karkerî merdî. Zîncîrî zî bale ant cînayetanê karî ser û wina va: “Nika cînayetê karî zêde bîyî. Sîstem nika açarîyayo rejîmê cînayetê karî. Ma nêzanî ke do ameyoxe de se bibo.
Derheqê başîya karkeran de tena Qerarnameyê Hukmê Qanûnîyêk daxî nêameyo vetiş. Çepê ci de bi hezaran karkerê ke FETO ver îxraç bîyî, estî. Xoverdayîş û grewî ameyî qedexekerdiş. Heto bîn ra pêşnîyazê karkerê bikîra zî wextê OHALî de bî qanûn. Babete ser o Çakirî va ‘her serre se ra 9 cînayetê karan zêde beno’ û wina domna: “Karkerê ke mirenî se ra 80ê karkeran kesê muhafazakar î. Yanî yê ke reya xo danî AKPyî. Nînan ra tayê zî reya xo danî MHPyî.”
ARZU DEMÎR / ANF / STENBOL