Çewlîg de Şaredarîna AKP xêma (kon) fitarî na ro, la qijê (doman) vêşan yê ke kewtî rêzê werdişî zî qewirnay. Dînê Îslam de Aşma Remezan de roce gerîyeno ke, yê ke mirdîyê halê vêşanan ra fûmbikerê û pê fekîran nanê xo pare bikerî. Hûnca na Aşma bûmbarek de fitar de feqîran rê şûm bena vila û pênîyê roce de zî pê nameyê fitar neçaran rê yardim beno vila.
Xêma fitarî de qijî lapat bî
Rixmo ke Aşma Remezan semedê fûmkerdiş û wayîrvejyayişê feqîrî ya la Erdogan-AKP sey her waxt na Aşma bûmbarek zî goreyê xo şixulnenî. AKP dînê Îslam xo fekra nêdanî war, la her firsetî de miyejnene ra ke, eleqê înan û Îslamiyete çîno. Pê ûmeyişê Aşma Roceyî şowê AKP zî hêna xo miyet ra. AKPyijan ûnca maskeyê dînî na rîyê xo.
Çewlîg de Şaredarîyê AKP semedê fitarî xem na ro. Waxtê vilakerdişê şûmê de, qijanê (doman) vêşanan zî waştî ke wer (werdiş) bigerî la raştê hêrîşê AKPyijan amey. Dîndar û merdimê AKP maskeyê dînî nay ro û rîyê xo yê raşt damojnay. Goreyê şahîdan xelyek qijê ke semedê girewtişê wer kewtî rêzî, hetê AKPyijan ra lapat bî, wer ci nêdîya înan ke guret zî dest ra pêd gerîya. Peycoy zî welatijî vera ci vecîyay û nêrazibîyayîşê xo mîyet ra.
ÇEWLIG