Rênas Jîyano ke emrê xo dayo şîîre û edebîyatê kurdî, xebatanê xo domneno. Şaîr Jîyan 2 şîîrê xo yê neweyan pêşkêşê wendoxan kerd. Jîyanî şîîra xo ya ‘Herba Kobanê’ de xoverdayîşê şervanê kurdan girewto dest û ya ‘Taybet’ de zî şexsê dayîka Taybet Înane ke qedexeyê tebervejîyayîşê aşma kanûna 2015 de Silopî de hetê polîsan ra ameybî qetilkerdiş de heme cinîyanê azade rê nuşt.
Rênas Jîyanî qala nuştişê şîîre û wina va: “Kitabê min o yewin 1999 de vejîya. Heta nika 10 kitabê mi vejîyayî. Înan ra 4 kitabî yê şîîran î. Kitabê min o peyên de heme şîîrê mi yê ke heta nika vejîyayî, estî û nameyê kitabê mi ‘Dîn û Şîn’ o. Kitabê min o ke tewr zêde qala cinîyan tede beno, no kitab o.”
Qala zilmê dewlete kena
Jîyanî derheqê şîîra xo ya Herba Kobanê û Taybet de zî va ‘na şîîra mi nîşaneya aştî û azadî ya’ û wina qedêna: “Ma Kobanê de tarîtî çin kerd. Şar tarîtî ra ame pawitiş. Şerê Kobanê Kurdistan de wayîrê tarîxêko xeylê muhîm o. Mi na şîîra xo bi hîsêk zêde nuşt. Mî şîîra Taybete zî ser nameyê dayîkêka kurd nuşt. Hedefê şîîra mi azadîya heme cinî û kurdan o. Na şîîre qala zilmê dewlete kena. Ziwan rihê komelî yo. Eke kurdî nêbo ma do bêrih bibî. Ganî ma bi ziwanê xo qisey bikerî û wayîrê ziwanê xo bivejîyî.”
BÎLAL GULDEM / DÎHABER/AMED