Derheqê şîyayîş û rewşa Tirkîya de Meclîsê Norveçî semînerêk viraşt û semîner de babeta ‘Tirkîya kamcîn het ra şona’ ame munaqeşakerdiş. Semîner hetê Partîya Sosyalîst û Partîya Şarê Xirîstîyanan ra ame organîzekerdiş. Semîner de Serekê Partîya Sosyalîstan Audun Lysbakken, Temsîlkarê HDPyî yê Ewropa Eyup Doru, Parlamenterê Şarê Xirîstîyanan Kjell Ingolf, roşnvîrê Tirkîya, Joakîm Parslow û Serekê Rêxistina Efu yo Kehen yê Norveçî Petter Einde qisey kerdî.
Ganî ambargo bibo
Doruyî qiseykerdişê xo de bale ant hêrişanê faşîstan û grevê vêşanîye ser û wina va: “Referandûm Tirkîya de bin şert û mercanê demokratîkan de nêame kerdiş. Bin verestîyê OHALî û şaîbeyan de ame viraştiş. Referandûm de îradeyê şaran çinî ame hesibnayîş. Îqtîdarî heme îmkanan xebetna û bi tewrê YSKyî ya vet. Raporê AGÎTî zî wina vano.”Einde zî va: “Tirkîya ver bi rejîmêko otorîter şona. Ganî Norveç Tirkîya hetê dîyalogî ra bianca û heqê merdiman de israr bikero. Ganî Norveç hetê çekan de qerarê ambargo bido Tirkîya û NATO zî hetê demokrasî de israr bikera.”
Cigêrayox û PisporJoakim Parslowî zî va: “Rewşa Erdoganî û partîya ci netîceyê referandûmî de xo daye teber. Rewşa înan krîtîk a.”Tewr peynî Audun Lysbakkenî zî qiseykerdişê xo de dîyar kerd ke do piştîdayîşê HDPyî dewam bikero û ma do partîyê sîyasîyan reyde pêvînayîşan bikerî.
OSLO