Li ser bîranîna şehîdan radiweste
Edîtoryayê di nivîsa xwe de şehîdên çandê jî bi bîr aniye û têkildarî bîranînên wan ên pîroz ev tişt gotiye: “Meha tîrmehê û meha tebaxê, heyama berxwdanê ne. Ji aliyê huner û çandê de jî ev heyam ji bo tevgera me pir watedar e. Me Hozan Serhat, Alî Temel, Aram Tîgran, Delîla, Hêvî û rêhevalên me yên ciwan Rojhat Avaşîn di van rojên berxwedêr de wenda kirin. Em li ber bîranînên wan bejna xwe ditewînin. Têkoşîna wan, cihana me ya hunerî û çandî ronî dike.”
Edîtoriya kovarê diyar dike ku her çi qas di kovarê de kêşeyên rojane yên çanda Kurdî hildabin dest jî, nêrînên wan ên der barê reseniya vê çandê de yên ku di çanda baweriya elewîtiyê û êzidîtiyê de ne jî, bi xwînerên xwe re parve kirine û wiha dibêjin: “Em ji dil û can bawer dikin ku di vê hejmarê de û di çarçoweya sazîbûnê de jî bi taybet di warê Çanda Kurd de hin agahiyên hêja û rast ji bo xwîneran dê bikêr bin û dê jê sûd werbigrin.”
Nivîsên vê hêjmarê
Nivîs, krîtîk û analîzên ku di vê hejmarê de cih girtine ev in; ‘Xwezaya civakî bi xwe jî çand e’ ya Alî Roj, ‘Çanda civakî û pîroziyên wê’ ya Alî Haydar Yerkanli, ‘Çanda gund û çandiniyê’ ya Tînda Rojhilat, ‘Kesên ku di çavê zarokan de xweda dibînin’ a Dilzar Dîlok, ‘Şerê çandî’ ya Seyît Riza Bektaş, ‘Çanda ku ji hêla kevneşopiya netew dewletê ve hatiye çêkirin(!)’ a Zanyar Zenda, ‘Der barê çanda baweriya êzidîtiyê de’ ya Mehmet Ozcan, ‘Çima destên ku tetikê dikişînin ji destên dua dikin bêtir in’ a Cîhan Eren, ‘Sînemaya kesk’ a Erol Balci, ‘Der barê şano(geri)ya alternatîf de’ ya Ekîn Kizilirmak, ‘Rêhevala Mizgîn’ a Rûken Aydin, ‘Vengê ma yên ke nîmede mendo’ ya Mordem Dêrsim, ‘Pirsgirêkên muzîkê -II-’ ya Weysî Varli, ‘Lawkê Serhedê’ ya Delîl Mîrsaz, ‘Wêjeya Devokî’ ya Fehîma Deştan û ‘Hevalê min’ a Bêrîvan.
DÎHA/AMED