Sifreyê rîyê erdî vera sifreyanê îftarî yê luksan organîze kerdînî û şarê Riha fitarî ra ver goşdarîya îlahîyan kerd. Wekîlê HDP Osman Baydemîrî sifreyî ser de qiseykerdişêk kerd û wina vat: “Ma baş zanîme ke Nemrud kam o û çi yo. Axa kesî do înan rê nêmano. înşallah ma demêko kilm de mijdanîyê danîme dayîkanê kurdistanijan.” n RIHA
Zîhnîyetê Emevî û DAIŞî yo
Hemserekê ADADe Murat Işik aşkera kerd ke dewlet kesî ke ci ra bawer nêkera û zey ci nêfikra hêrişê înan kena û no zî zey yew polîtîka şuxilnena û wina vat: “Zîhnîyeto ke hêrişê şaran bi hovane keno, zîhnîyetê Emevî û DAIŞe yo.”
Komeleya Elewî ya Demokratîka Enqere (ADAD) nêzdîbîyayîşê serrgêra Qirkerdişê Sêwazî ser o banê komele de aşkerayêk da. Aşkera de hemserekê ADADe Murat Işik qise kerd. Işik aşkera kerd ke nika qirkerdişê elewîyan zaf bîyo û no ser zî ganîya ke hukimatê AKPe qirkerdişan reyde rî bi rî bêro û Işik vengê beşdarbîyayîşê vîrardişê serrgêra Qirkerdişê Sêwazî da û vat ke ganîya ke vîrardişê Qirkerdişê Madimak û Çorumî hêz reyde bivîyarî.
Işik aşkera kerd ke dewlet kesî ke cira bawer nêkera û zey ci nêfikra hêrişê înan kena û no zî zey yew polîtîka şuxilnena û wina vat: “Zîhnîyeto ke hêrişê şaran bi hovane keno, zîhnîyetê Emevî û DAIŞe yo.”
DÎHA/ENQERE
MPKE ra raporê Tirkîya
Komîteya Muşehadekerdişî yê Meclîsê Wekîlî yê Konseya Ewropaya raporê Tirkîya weşana. Rapor de derheqê Tirkîya de rexneyê giranî ameyî kerdiş.
Goreyê nê raporî Tirkîya de huqûq erozyonîze bîyo û demokrasî binê tehdîtî de yo. Semedê çareserîya meseleya kurdan de zî veng dîya Tirkîya ke wa agêrîyo binê banê meclîsî û pêvînayîşê aştî reyna dest pê bikerî.
Rapor de tayê îfadeyê balkeşî zî estê. Înan ra yewî wina yo: “Her çî 17-25’ê kanûne 2013 de derheqê 4 wezîr û lajê serekewzîrê ê wextî Tayyîb Erdoganî Bîlal Erdoganî de aşkerabîyayîşê dosyayanê bêusûlîyê dest pê kerd. Rapor de venga Tîrkîya dîya ke peymanê Mîyanneteweyî yê ke Tirkîya îmza kerdê, wa rîayetê înan bikero derheqê operasyon û qedexeyeyê tebervejîyayîşan de zî vajîya ke; ganî rîayetê prensîbê nîspîyet û luzumîyetî bero hereketkerdiş. Qerarê hukmatî yê milkêdewletekerdişê Sûrî, walîyan rê selahîyetê serekanê şaredarîyan tayîn kerdêne dayene, qerarê wedarîyayîşê destnêdayîşê HDPijan ma sewqê endîşêko xorîn keno.”
AMED