KURDÎ-DERî seba wendiş û nuştişê ziwanê kurdî serra 2014 de dewa Kerwasî ke girêdayeyê qezaya Licê ya Amedî ya, ewja de mektebêko 4 qatin viraştbî. Mektebo 4 katin 13ê nîsane de bêtehemulîya ziwanê kurdî ver hetê leşkeran ra amebî rijnayîş. Babete ser o nuştox Îrfan Babaogluyî qisey kerd û veng da heme kesan ke wa wayîrê ziwanê xo bivejyî.
Babaogluyî qiseykerdişê xo de dîyar kerd ke rijnayîşê mektebî yeno manaya înkarkerdişê şar û ziwanê kurdî û wina dewam kerd: “Qedexe û astengî her ke şono hîna zêde beno. Mektebê kurdî ameyî qedexekerdiş û mor dîya berê mekteban ro. Nê hêrişan ra yeno famkerdiş ke dewlete nêwazena domanê kurd bi ziwanê xo biresî. Dewlete polîtîkayanê xo de şar û ziwanê kurdî nêşinasnena. Her çiqas ke dewlet vana ‘ma vera ziwanê şarê kurdî de nîyî’ la reyna zî zuran kena.Babaogluyî tewr peyên wina va: “Bi makîneyê karî ameyoxa domanan rijnenî. Kerdişan ra yeno famkerdiş ke dewlete amadekarîyanê neweyan kena û wazena ke ziwanê kurdî kok ra wedarna. Ganî ma keyeyê xo biaçarnî mekteban û wayîrê ziwanê xo bivejî.”
DÎHABER/AMED