Kordînasyonê PAJK serraçarnayinê komkiştenê Parîs û derheqê Silopî de kiştişê 3 ceniyan de damûsnayinê da. PAJK aşkere kerd ke, iyê dê heyfê komkiştenan bigirê.
‘Ma dê heyfê komkiştenan bigîrê’
Kordînasyonê Partiya Azadiya Jinên Kurdistan sernî de bi wesîleya serraçarnayinê qetlîam, Sakîne Cansiz, Fîdan Dogan û Leyla Şaylemez ardî vîrî û mesaja perskerdinê hesabê komkiştenan da. PAJK ard ziwan ke bi kiştişê Sakîne Cansiz, Fîdan Dogan û Leyla Şaylemez Hereketê Azadiyê Kurd û quwetê rayver ê azadiyê hereketê ceniyanê kurd hedef girotiyabi û wina va: “Ma o wext, sozê ca-ardinê waştenê şehîdan dabi. Nika zî, ma eynî sozê xo fina anê ziwan. Ma dê hesabê komkişten pers bikerê. Hetanî heyfê komkiştenan bigîrê, ma dê jû roj zî nêvinderê.
Xeta azadîyê ceniyan hedef de ya
PAJK erefeyê komkiştenê Parîs de, Silopî de kiştişê Sevê Demîr, Pakîze Nayir û Fatma Ûyar zî, zey kerdenê eynî zîhniyetî hesibna û vat: Mesûlê komkişten eynî quwetîyê. Hedefê komkiştena Silopî zî, zey ê Parîs, Hereketê Azadiyê Kurd o. Xeta azadiya ceniyan hedef girotiya. Çike nê 3 cenî zî, teqîbkarê Sarayan û teqîbkarê ceniyanê xoverdayoxê. Kordînasyonê PAJK vist vîrî ke badê komkiştena Parîs, xoverdayiş heveyna biyo gird û vat: Senî ke badê kiştenê Sarayan, şarê ma, komkişten kerd wesîleyê berzkerdinê xoverdayişî, nika zî ma dê na komkişten bikerê wesîleyê girdkerdinê Hereketê Azadî.
Hesab pers bikerime
PAJK peyniyê damûsnayinê xo de wina veng da heme ceniyan û Kurdistanijan: Gerek heme cenî û şarê ma, semedê vîrardinê Sara, Rojbîn û Ronahî, nûmayişan virazê. Hetanî kiştox û mesûlî ceza bigirê, tekoşînê xo biramê. Eynî wext de, şarê mayê Bakur û cayanê bînan, sernî de komkiştena Silopî, vera terorê dewleta tirk werzê pay û dewleta tirk ra hesabî pers bikirê. Wastenê azadiyê Rayver Apo biqîrê û kila adirê azadî gur bikirê.
ANF/BEHDÎNAN
KJC: Komplo nêreseno hedefê xo
Komalê Cêniyanê Gencan KJC zî derheqê komkiştenê Parîs û Silopî de eşkerekerdişê da û eleqe ant kiştenê ceniyan ser.
KJC ard vîrî ke, 9ê Çile 2013î de Parîs de 3 cêniyê şoreşger ê Kurd Sakîne Cansiz, Fîdan Dogan û Leyla Şaylemez amey qetilkerdin û aşkere kerd ke, “şexsê nê cêniyanê şoreşger de wastî ke, derbe ronê Hereketî Azadiyê Kurdan û biqedînê. KJC aşkere kerd ke, “Komployo ke verra Rayver Apo, vera şarê Kurd û ceniyanê Kurd viraziya nêresa hedefê xo. Hetanî tekoşînê Serbestî yê Kurdan û cêniyan bibo, do nêrese hedefê xo zî.” KJC hayr ant qetilkerdişê Sêvê Demîr, Pakîze Nayir û Fatma Uyar ser zî û niya-ûna vat: „Hikumetê faşîst AKP hunca-fina ceniyan hedef girot. Sêvê, Pakîze û Fatma zî, bi rihe Sarayan xoverdayişî kerdî berz. Ma zey ceniyê genc, bi wayir vêcayişê tekoşînê înan eşkenê vera komkiştenan bibê cewab.”
Komalê Cêniyanê Gencan aşkere kerdî ke ‘Roj roja hesab perskerdiş a’ û veng dayî ceniyê genc ke tekoşîn de cayê xo bigirê.