Karayilan destpêkê qalîkerdişê xo de, heme kesê ke xover danê silamî kerd û wina dewam kerd: “Bi raştî zî ma têkoşînê azadîye de dekewtî ravêreye ke muhîm a herb û xoverdayîşî. Raya ewil serva azadî, biyayiş û serva cuwyaneke azad xoverdayişê şarê ma yo. No xoverdayîş tenya yê Sûr, Cizîr û Silopî nîyo, xoverdayîşê şarê Kurdistanî yê dustê îşgalkerdoxî yo. Dewlete wazena nê hîrê şaristan-sûkan de netîce-encam bigêro, labelê şarê Kurd do destur nêdo. Ewro roj, roja Kurdan a û roj roja demokrasî û azadî ya.”
Azayê Komîteyê Rayverîn ê PKK Murat Karayilan’î hayr ant wayîrvejyayîşê xoverdayişî û wina domna: “Sûr, Cizîr û Silopîya de xoverdayiş resayo merhaleyê do zaf muhîm. Ewro doman, dayîk û heme şarê ma yenî qetilkerdiş. Hema vizêr dayîka Melek Alpaydin keyeyê xo de, ser sofre de bi topê dişmenî şehîd bî. Dişmen sey ke henekê xo pê bikero vano; ‘ma dê cigêrayîş bikerî, ka senî şehîd kewta.’
Dewlet zey DAİŞ kena
Dewleta AKP sîyasetekî gird a zûran kena û hewl dana ke xo heqdar damusno. Dinya de kotî-kata de ameyo diyayiş ke dayîkek raşte-meydan de ameya qetilkerdiş û meyit-tirmê ci 7 rojî erdî de mendo. Kotî-kura de ameyo diyayiş ke meyitê merdiman ameyo teşhîrkerdiş û erdî ra kaş bîyo. Ma hovîtîya DAIŞ, dî û dewlete nika ra hovîtîya DAIŞ vîyêrna.”
Wa kes nêroşo
Karayilan’î qiseyanê xo de vist vîrî ke, zilmê dustê merdimî, verra Kurdan ferz kenê û wina vat: “Dewleta AKP bi şiklê hovî zilmê kurdan kena. Nayî ra kam ke xo rê vano ‘ez merdim a’ dustê zilmo ke ewro yeno kerdiş, ganî keyeyê xo de nêroşo. Ganî her kes destê xo bido ser wijdanê xo. Ganî ma xoverdayişê heremî bibedilnî-açarnê xoverdayişê neteweye. Gerek şarê Amed û Botan’î xoverdayişî de tenya nîrê veradayîş. Heme çiyî ra ver no wezîfeyê kurdbiyiş, welatperwerî û demoktatîkbiyayişo.
Karayilan’î veng da Kurdê ke Awrûpa de cuwyenê û waşt ke xoverdayişan berz bikerê û bibê çim, goş û vengê Kurdistan’î.
Bêveng memanê
Azayê Komîteyê Rayverîn ê PKK Karayilan’î qalîkerdişê xo de veng da heme sazîyê welatperwer û demokratîk ke dustê zilmî vengê xo hîna berzêr bikerê. Karayilan’î bi nê vatişan hayr ant rolê gencan ser: “Ganî-gune ciwanê Kurd hîna vêşî-zafêr tewrê xoverdayişî Silopî, Cizîr û Sûrî bibê. Roj roja rûmetî ya û no semedî ra ganî kesê ke wazenî beşdarê xoverdayişî bibê, berey nêmanî.
Karayilan’î waşt ke, şarê Kurd heme wayîrê yewbînan bivejyî û sûkan de vengê yewbînan bieşnawî û qiseyanê xo bi nê vatişan qedîna. „Xoverdayişo ke Sûr, Cizîr û Silopî de yeno damusnayiş, eslê xo de vengdayişekî şarê Kurd û Tirkiye yo. Ganî ti kes verra no vengdayişî de bêveng nêmano.”
ANF/BEHDÎNAN