Maddeya 28’ê mekaqanûnê dîyara ke: “Cenîyan bi pawiyayişê xo cewherî de eşkenê heme cîyakerdişî zayendîyê bikerî û red bikerî.” Komunun ra meclîsan, hetanê şaredarîyan heme sazîyê şorişe de Pergala Hemzayende cuyayiş ra vîyart rêjeya temsîla cenî heme sazî, rayedar û heyetan de seyî ra 40 kêm nîyo û êdî no bîyo yew pêameyişê komele.Peynîya şorişe seba dîzaynkerdişê komeleye TEV-DEM rêgezan wêşan kerd û sifteyin nê rêgezan zî verba cenîye qedexekerdişî şîdet bi. Hewna di zaf cenî de zewîjyayiş ame qedexekerdiş. Hewna bi rêgezan verê veyveya domantî ame girewtiş. Hewna seba cenîyan banê cenîyan ame ronayiş û nê banan de zî heme pirsgirêkê cenîyan ame çareserkerdiş.
BANÊ PAWIYAYIŞÊ CENÎ
Di Rojawan de peynîya îlanbîyîşê kantonan wezaretê cenî ame ronayiş. Di no wezaretî de zî heme warê de cenîyan xebityenî. No wazeretî zî seba cenîyan navenda pawiyayişê cenî akerd. Na navende de zî cenîyan bi domanan xo eşkenî bimanî û domanan ra perwerde û cenîyan ra zî perwerdeyê gure yena dayiş.
Cenî ra şuxulnayişê sûc zaf giran o, çimkî şoriş cenî ra şîdet komeleya şîdet hesibnena û tewr gird de ceza yenadayiş. Bi pêameyişê komele zî di sazîyê perwerdeye de tena cenîyan ra nê karma perwerde yena dayiş.
ARZU DEMİR / ANF/STENBOL