La hef ke, yew herbo bela û limite û lemîn welati kurd ser tehkîm bîyo/beno, emserr kurd rê roja haşîtîya Cîhanê çîyêk îfade nêkena. Kurd, emserr na roja gunînê de roja haşîtîya Cîhanê puç û bê vate vîneno. Kurd na roja bela , roja herb de qet hewce nêvîneno na roja nirxî merdimahî, roja haşîtîya Cîhanê bîyaro xo vîr zî. Heta, hewce çîna kurd, na roja xêrdoş minaqeşe zî bikero. Çimkî Rojhelato Mîyanên fîlî herb est o. Welatî kurd reyna neşter beno. Gunî herîkîyena, merdimahî mirena. Kurd, ‘ma ser, qerqeşûnî varenî, hamaseta haşîtî çîyêka tala’ vano.Malesef, çar dorî ma teqî û reqîya. Roj çîna boya barut vila nêbibo, hawara haştîwazan û qerîna dayikan berz nîbo, mîrase merdimahî bajarê qedim xerabe nêbibî. Panc serra herbo bela peşîyayo şarê rojhelato mîyanên ra, kamî wext, qedîyeno, kamî wext senî encam beno? kes nêzano. Na roja haşîtîya Cîhanê de heza keftar Îran, heza keçeloka Iraq, qertela cins qafqas Tirkîya, tabî ke cinsî yê nêdîyar hikumrano dişmenî welatî xo Esed, Surîye ser goreyê waştişî xo, goreyê ajandaya xo sucî kenê. Sucî herb kenî. Nirxî merdimahî danî wera, bîyê sedemî herbî Cîhanê. Bîyê bela merdimahî û Cîhanê. Mezhepperestî ser, îslam kenî bê îtîbar. Medenîyeta îslamî kena xera. Plan û programî dewletî emperyal Rus û Emerîqa anî bica. Bîyê leşkerî sermîyana cihud, keyê şaro îslam kenî vîranê.
Roja haşîtîya Cîhanê de kaya en xorî û kur, Emerîqa û Tirkîya kayî kenê. Newe bi aşkera, êyî ke qabe ajandaya xo ya lewitnayî Surîyê kerd arena herb Tirkîya û Emerîqa yê. Taybet Emerîqa Surîye ser, yew kayo sergirewte, binfişkî kayi kerd/kena. Ona; Verkan pê paramîlîtera DAÎŞ, bacaranî kurd, herdî kurd îlhek kerd. Destdergîya cînanê Şengale kerd. Welatî kurd Kobanê de kera kera ser o nêverda. Seranserê welatî kurd kerd xerabe. Dim tehrîbatî ra, na rey zî destek da hezanî kurd. Destêk da kantonan, hemberî kemera ereb, destêk da korîdora kurd. Na polîtîqaya lewitnayî hetanê Tebax 2016 ramit. Sarre Tebaxî ra nat zî nê îtîfaqo pancînê(Amerîqa, Rusya, Tirkîya, Îran û Esad) verêdîya heza kurd, verêdîye qezencî kurd. Malesef 1’e Elulê 2016 de seransere Kurdîstan bîyo arena herbî nê desbirakan. Ha zere welat de ha teberî kurd û qezencî kurd her wext hedefî rayberanî Tirkîya bi. No herbî, panc serra Tirkîya û DAÎŞ hembere qezenca kantonan, hembere korîdore kurd filort kerd. Sebi ke nişk ra polîtîqaya Tirkîya ya DAÎŞ serobino bî. Qaşo ewro hembere DAÎŞ micadele kena. La hedef seha kurdan a, hedef şerwanê kurd mîlîtanê kurd î. Hedefî rayberan Tirkîya, statûya kurd a.Tirkîya reyna riyî xo, ya rast mojna kurd. Hemberî kurd yew sîyasî îtîfaq de ya. Na polîtîqa zerar dana biratîya kurd û tirk. Na polîtîqaya bi şidet zerar dana stratejîya kurd û tirk, zerar dana sitratîya hezar serran…Reyna roja haşîtî înşalah xêr yena, vana.
Mistef Şahîn