Damustayina nuşteyî de KJK sifte Sema Yûceyan ra heta Arîn Mîrkan’an, Sakîne’yan ra heta Sêvê, Pakîze û Fatma’yan pêrokîn ceniyê ke qîrayişê azadî gird kenê û her roj açarnenê zey 8ê Adar selamî kerd.
Rêxistinê netew-dewletan
KJK hayr ant herb û merdişan ser û wina va: “Verniya çimanê pêrokîn dinya de, Herbê 3. yê Dinya, qirkerdişê ceniyan û civakî, Rojhelata Miyanî de, Kurdistan de yeno cuwyayen”. Hereketê Ceniyan aşkere kerd ke çeteyê zey DAIŞ yê ke vera şaran û ceniyan zey taritî hetê dewlet-netewan roniyay rêxistinê qirkerdinî yê û wina dewam kerd: “Bi qirkerdinê ceniyan ra piya, civak ame qirkerdin. Qirkerdişê ceniyanê Êzidî, bazaranê kole de rotişê ci terora camêrdê serdest ya wehşiyane bi”.
Nûmayişê 8ê Adarî
Kordînasyonê KJK da zonayen ke sersiya dewlet-netew de cenî biyiş kabûsekê tewr gird o û aşkere kerd ke Rojhelatê Miyanî de verniya îdeolojiya cînsiyetperwerî de tekoşîneke tim û timî hewce keno. KJK vist vîrî ke, îxtimalê seserra 21. do bibo seserra ceniyan û şaran gird beno. Damustayin de hayr anciya xoverdayişê xorayverînan yê Rojawa û Vakûrê Kurdistan ser û wina vajiya: “Endî vurnayişê Rojhelatê Miyanî de tekoşînê ceniyan aktorekê gird o. Verniya zihnîyetê camêrdê serdest Kobanê ra heta Sîlopî, Cizîr ra heta Sûr xoverdayişê ceniyanê kurd rameno. Şexs dê Sakîne, Sêvê, Arîn û Sema’yan de ceniyan bi sloganê “azadiya ma rêxistinbiyîna ma ya” tekoşînê serbestî dayo û hona zî danê. Nayî ra, zihnîyetê camêrdo serdest tewr vêşî zî rêxistinbiyayişê ceniyan ra terseno.
Kordînasyonê Hereketê Ceniyan aşkere kerd ke şexs dê Sema Yuce de, pirdo ke mavêna 8ê Adar û Newroz de roniya, ewro do Vakûrê Kurdistan de, şexs dê ceniya ke xoverdana de açarniyo qîrayişê azadî. KJK va, no pirdê adirîn do kesê ke şarê kurd û ceniyan rê qetlîaman rewa vînenê biveşno”.
Roja hesab persayiş
KJK aşkere kerd ke pawitişê cuwyanî, cuwyayişê ceniyan û şaran bi azad, ronayiş û pawitişê xorayverînanê demokratîk ra vêreno ra. KJK va, şikitişê ablûqe û pawitişê xorayverînan wezîfeyê sifteyin yê ceniyan o û wina dewam kerd: “Ganî bi rihê pirdê adirî Sûr de ablûqe bîro şikiten. Ma pêrokîn ceniyan bi slogana “Rayverê Azad, Ceniya Azad, Kurdistana Azad” dawetê meydanan kenê. 8ê Adarê emserr şexs dê Sêvê, Pakîze, Fatma de yadê şehîdanê Cizîr kenê. 8ê Adara emserr do açarniyo roja hesab persayiş û serkewtiş. Bi no rih û zonayişî veng danime pêrokîn ceniyan ke serra fînal yê serkewtiş de ca bigîrê.
Peyniyê damustayin de KJK 8ê Adar pêrokîn ceniyan rê bimbarek kerd.
ANF/BEHDÎNAN