Rojawanê Kurdîstanê de cîhadê YPG

Verênîyê  herkesî dewleta Tirk no şêr ramnena. Dewleta Tirk,Çete El-Qaîde heme ca ra kom kena ana  Stenbol, uca ra zî şiravena Rojawanê Kurdîstan. Zobî zî, vakurê Kurdîstanê de seba çeteyan ca yê perwerde ayê eskerî awan kerdî.
Çeteyan nayê cayan de perwerde kena. Çek dana înan. Werdiş ra heta cilan, îhtiyacîyê çeteyan çiyê ra esto, heme çîyê temîn kena.
X o ra her roj belgeyê kî vejîyenî werti nayê belgeyan de eleqe dewleta Tirk nayê çeteyan ra çîya zelala. Pêronê cîhan zî na xirabîya dewleta Tirk zanê.
Dewleta Tirk, se kerd zî, Rojawanê Kurdîstanê de ser nîkewt. Nika zî rayîrê zaf xirab dana şixulnayîş.
Wazena kî, pê çete El-Qaîdê Kurdê Rojawanê Kurdîstanê qirbikero.
Pêronê cîhanê ra pê name “cîhadê” çete kom kena, nayê çete qîmê dewletê Tirk nîyenî, dest erzena çar parçe Kurdîstan. Çar parçe Kurdîstanê ra zî pê name “cîhadê” ciwanê Kurd kena pêser û bena Rojawanê Kurdîstanê de hemvere şarê Kurd dana şerkerdiş.
La wexto kî, ma ewnenî çime dîne Îslam, eleqê çeteyan û dîne Îslam çîna. Dîne Îslam nayê çeteyan ze dişmenê Îslam, ze mûnafik, ze tecawizkar, ze îstîlaker û ze zulimkar name keno.
Ayetê Hucurat yê Quran de seba heqê netewan hina yeno vatiş.”Bê guman ma şima yew cinî û yew comêrd ra viraştî. Seba kî  şima yewbînî bi şinasnenê, ma şima ze mîlletan û êşîran viraştî”.
No ayete de, zelala kî heqe her netew esta kî azad bi ciwîyo. Ser erdê xo de, serwerîyê xo bikero.
Pê ziwanê xo perwerde bi vîno. Hemvere îstîlakerî şer bikero.
Wexto kî, ma gore no ayetî bi ewnê, çeteyên dewleta Tirk  aye kî, pê name “cîhadî” Rojawan de şer kenî, eleqe nayê çeteyan û dîne Îslam çîna. Nayê çete, çete Îstîlakerî. Çete mûnafik û tecawizkarî.
La hêzê YPG, hêzê pawistişê mîlletê Kurd û mîlletê bînanî. Seba kî, mîllet, ziwanê mîllet û welat pawenî, hêzê cîhadî yê.
Reyna ayeta Nîsa de seba pawitişê welat, namûs û canî hina yeno vatiş. “Tedbîre xo bigerenê, ya sey komê ciya ciya ya zî pêser bivejîyenê şer”.
Ayeta Nîsa de her çî eşkere û zelalo. Gore ayeta Nîsa, hewce kena, pêro şarê Kurd ayê çar parçe Kurdîstan seba pawitişê Rojawanê Kurdîstanê cîhad bikero. Gera pêro ciwanê Kurd vere xo bidenê Rojawanê Kurdîstanî.
Hadîsê Hz.Muhammed de zî eynî çî esto. Hz.Muhammed vano, “Gone, male û namûsê Musilman, Musilmanê bînan ra heram o”.  
La ma ewnenî tayê çeteyên kî dişmenê dîne Îslam kenî, qirne dinya ra wurzenî yenî, şarê Kurd ayê Musilman kişenî, male Kurdan şelanenî, dest erzenî namûsê Kurdan. Ser ra zî vanî, “Keynê û male Kurdan  şima ra helalî”
Gore vatişe Hz.Muhammed, çete El-Qaîde(El-Nusra) yê dewlata Tirk, kare xirab û heram kenî. Eleqê înan û dîne Îslam çîno. Ciwanê Kurd ayê kî, zerre komê çeteyan de ca genî, cirme înan hîna girano.
Hem dişmenîyê şarê Kurd yê Musilman kenî, hem zî dişmeniyê dînê Îslam kenî. Gore dîne Îslam nayê ciwan wexto kî, bîyerenê kiştiş şehîd nîbenî. Seba kî, dişmenîyê şarê Kurd û dîne Îslam kenî, kewnî cehennem.
Hz.Muhammed yew hadîs de kam şehîdo, kam şehîd nîyo no babet ser zelal qise keno û vano: “Wexto kî, yew seba can, dîn, mal û namûsê xo bi pawo bîyero kiştiş, o şehîdo”.
Hêzê Kurdan YPG-YPJ-Cephet El-Ekrad û şarê Kud seba kî, can, dîn, mal û namûsê xo bi pawenê ver çete El-Nusra şer kenî.
Ze Hz.Muhammed vato, şervanê YPG-YPJ-Cephet El-Ekrad aye kî, heta nika pawitişi can, dîn, mal û namûsê şarê Kurd û şarê bîn de ameye kiştiş pêronê înan şehîdî.
La çete El-Nusra aye kî, êrîş kenî ser Rojawanê Kurdîstan û şarê Kurd, eleqe înan ne cîhad ra esto, ne zî dîne Îslam ra esto. Çete El-Nusra çete qetîlkerî. Dişmenê dîne Îslamê. Tetîkkeşe Tirkan, Qeter, Suîdî û Amerîka yê.
Esas şehîdê cîhadî, şehîdê YPG, YPJ û Cephet El-Ekradê.