Seke yeno zanayîş çeteyanê DAIŞî 12ê Teşrîna verêne de Dêra Zor de hêrişêko bombeyîn kerdbî û netîceyê hêrişî de rojnameger Dilîşan Îbişe şehîd kewtbî, rojnameger Hogir Mihemede û Rizgar Adanmiş û xeylê welatîyî zî birîndar bîybî.
Dima ra Hogir Mihemed zî hêriş ra 3 rojî ra dima şehîd kewtbî, labelê xebatkarê Stêrk TVyî Rizgar Adanmiş zî tedawîya ci dewam kerdêne. Ame musayîş ke Adanmiş zî 18ê kanûne de şehîd kewto. Xebatkaranê Ajansê Xeberan yê Hawarî (ANHA) zî îzehetêk dayî û wina vatî: “Ma keyeyê embazê xo Rizgar Adanmişî rê serweşî wazenî. Rayîrê heqîqete yê Rizgar, Dilîşane û Hogiran rayîrê ma yo. Ma sey xebatkarê çapemenîya azade sond wenî ke ma do heta peynî rayîrê embazanê xo de şêrî û raştîyan biresnî şarê xo.”
ANHA - QAMIŞLO