Çeteyanê AKP ê Sîlopî, 5ê meng de, mûxabîrê DÎHA Nedîm Orûç roniştoxanê mehlaya Şehîd Harun ra piya, girotî bû û berdbî Salona Spor ê Yenîmahale. Wija de wexto ke zanay Nedîm Orûç rojnamegero, êşkenceyê ci kerdî û erd ra kaş kerdî, bado zî remnaybî.
Quwetanê Tirk verî qebûl nêkerdî ke, Nedîm Orûç girotê binçim.La, badê berzbiyayişê nêrazîbiyenan, qebûl kerdî ke, Orûç girotê binçim. Rojnameger Nedîm Orûç badê binçimkerdinê bi seatan vizêr şan de, sewqê edliye bi.
Mahkema Tirk badê îfadeyê formalîteyî, qerarê girotinê rojnameger Nedîm Orûç da û ey rişt Girotxaneya Tîpê T ê Şirnex. Nedîm Orûç wextê ‘qedexe’ yê kûçeyan ra, hetanî roja girotina binçim, 24 rojan binê şertanê zehmet ê Silopî de rojnamegertî kerd.
Nedîm Orûç o ke mûxabîrê ajansê DÎHA bi, bi nûşteyan û bi tewrbiyayişê televîzyonanê çapemeniya azad, heqîqetê ke amey nimiten û tarîkerdin resna pêrokîn dinya.
DÎHA/ŞIRNEX