Hêrişê dagîrkerîye yê artêşa Tirk û çeteyanê ci 9ê Teşrîna verêne de dest pêkerdbî û netîceyê hêrişan de bi seyan sivîlî ameybî qetilkerdene, hendêna zî birîndar bîbî. Reyna bi sehezaran merdimî ca û warê xo ra koç kerdbî. Rojnamegeranê Kurdan metnêkî aşkere kerd û erşawit endamanê Parlamentoyê Ewropa, serek û hukmatanê dewletan, Amerîka û Yewîya Ewropa rê.
Mektûbe de nameyê 267 rojnamegeranê Kurdan esto û ameyo vatene ke netîceyê hêrişanê dagîrkerîye de kesê ke vera DAÎŞî de şer kerdbî, mirenî û wina dewam kerdo: “Reyna hêrişan de artêşa Tirkî bombeya fosforî bikar arda. Hêrişanê artêşa Tirkî ra dima hêrişê çeteyanê DAÎŞî zî dest pêkerdî.”
Rojnamegeran mektûba xo de reaksîyon nîşanê tesdîqkerdişê Amerîka da û veng da. Rojnamegeranê Kurdan waşto ke wa Vakur û Rojhelatê Sûrîye firayîşê teyarayan rê bêro qedexekerdene û wina dewam kerdo: “Wa artêşa Tirk û çeteyê ci erdanê ke dagîr kerdî ra biancîyî. Wa Milletê Yewbîyayeyî û NATO tayê çîyan bikero û Îdareyê Xoserî bêro şinasnayene. Ma wazenî ke wa Kurdî zî beşdarê prosesê aştîye yê Sûrîye bibî û şima gaman bierzî.”
MA/AMED