Komploya Mîyanneteweyî ya 15ê Sibate ser ro 18 serrî derbaz bîyî. Mîyanê nê 18 serrê ke derbaz bîyî de Ocalan tim hewl da ke problemê kurdan bi rayîranê demokratîk û aştîye çareser bikero. Gerîlayê ke herêma Botanî de mendêne nuşteyê xo yê rojaneyî de qala Komploya Mîyanneteweyî ya 15ê Sibate kerdî. 

Asmîn Ronî:  Ma serrêka biadir pey xo de verda. Embazê ke tenişta ma de bîy û dima ra şehîd kewtî, reyna embazê ke newe ver bi koyan game eştî û nika tîya de yî; zerrîya ma hemînan seba şima erzena. Ma reyna vatişanê şima wanenî. Sey ke şima kişta ma de bî û çimanê şima de manayêka kûr bibo û çekuyî fekê şima ra vejîyenî. 

Serekê mi! Wextêko ke dinya bîya ker, kor û lal û fikranê şima ra zaf tersena de, ma bi fikranê şima şer û embazîya xo ya nîmcete ser o muhakeme virazenî û bi no qeyde xo amadeyê wisarî kenî. Cinîyê ke tim embazê şima bîyî, nika her roje bi hîsê heyfgirewtişî dest bi rojêka newe kenî.  

Botan de 15 Sibata sifteyîne

Gulan Çekdare: Kurdo/a ke xo ra vana ez merdim a û bi rûmetê xo bicuyo, ganî heta ke ruh canê ci de bibo, na roja naletin xo vîra nêkero. Tarîxê komelê ma de îmha û înkar 15ê sibate 1925 de bi hawayo wehşî pelçiqîyîyayîşê Serewedaritişê Şêx Seîdî de dest pêkerdo û Komploya Mîyanneteweyî ya 15ê Sibate de duştê îmha û înkarî resayo felaketî. Rayberîya ma esîr ameyo girewtiş. Şexsê ci de ruho azad, îradeya azade, fikro azad û cuya azade esîr ameyî girewtiş.  

Her çiqas Komploya Mîyanneteweyî ser ro serrî derbaz bîyî zî, ma reyna bi dejêko gird yê zerrî û ruhî nê rojan cuyenî. Seba bedilîyayîşê çîyê eynîyan ganî Rayberîya ma mîyanê ma de bibo. Ma heta ke Rayberîya xo mîyanê xo de nêvînî, nê çîyî nêbedilîyenî. 

Aşmî benî sey roje

Tamara Warjîn: Rayberîya Partî vatêne ‘Merdim çiqas fikiryayîşê xo kûr bikero, hende mesafeyî manaya xo vînî kenî, aşmî benî sey roje. Dima ra vera çîyê ke vernîya serkewtişî de benî asteng de hêrsê mi beno hakim; na cuyêka taybetin a.”

Ewro 15ê Sibate ya. Sey vatişê kurdan ‘Roja Tarî’ ya. Ez ewro Rayber Apoyî, Şêx Seîdî û Seyîd Rizayî fikirîyaya û ez ewro mîyanê rîpelê tarîxê gonîyin yê kurdan de gêraya. Ma ewro çîyêk newerd û nêşimit. Ma heme embazî heta şan de ma wend. Fikiryayîşê 15ê sibate, famkerdişê ci heta hesteyanê merdimî bi hîsê heyfgirewtişî pirr keno. 

‘Dê komployanê xo de bifetisyê! 

Rojbîn Mahîr Dêrik: Komploya Mîyanneteweyî ke Rayberîya ma ser de ame viraştiş, raştîya xo de şexsê ci de şarê kurd, merdimîye û Tevgerê ma ame hedefgirewtiş û waştî ke çin bikerî. Tarîxê azadî do peynîya peynî hesabê nêyî biperso. 

Rayberîya ma vera hêzê komplogeran de fikir û cuyayîş de xoverdayîşêko tarîxî nîşan da. Gerîlayê Azadîya Kurdistanî zî bi xoverdayîşo ke nîşan danî, komplo veng vejenî  û seba azadîya Rayberê ma her ca de têkoşînê xo berz kenî. Ma do heta ke Rayberîya ma azad bibo, têkoşînê xo bidomnî û hêzê komplogeran do mîyanê komployanê înan de bifetisnî. 


ANF/BEHDÎNAN