Tekîn ciresna ke Cizîr de bawerîyêke gird estbî û her çend ke hêrişê dewlete gird bî zî şarê Cizîrî de bawerîya ke do qezenc bikerî estbi û wina verdewam kerd: “Ma şahidîya şaro ke xoverdayîşî ra wayîr vejyaynê kerd. Raya sifteyîn nêbi ke ez şîynê Cizîr la min hîsê cîyayêr cuyaynê. Merdim Cizîr de eşq, bawerî û îxanetî pîya cuyeno. Çimkî Cizîr çend warê Mem û Zîne bibo zî hende warê Beko yo zî. Seba ke ma keyeyê şarî de mendênê her roj ma şahidîya cenîyêke kerdênê û ma nînan nuşt zî. Finak min hîkaya yew cenîya ke 9 serrîya xo de Agirî ra sey wesnî ameybî û nika 28 serre bî û beşdarê YPS bibî day. Na cenî vatênê ‘Ya, ma koleyîye cuyay la êdî seba cenîyan tîya de dîroka azadî yena nuştiş û nika keynayê ma na dîroke cuyenî”.
Tekîn hayr ant ser çîyê ke rojnamegerî cuyay û wina domna: “Ra ray nêzdîyê ma de zaf kesî birîndar bî û cuya xo vînî kerdî û ma bêçare mendî ke hem înan binusî û hem zî birînê înan ra biewnî. Dîrok ra heta nika hetê rojnamegerî de Tirkîya de serdema tewr xirabe yena cuyayîş, çimkî medyaya hetgir dewlet reyde hemkarî viraşto. Şar rojnamegerê ke raştîyan nusenî ra her tim berê xo akerdênê. Ma roja 30’ine ra pey nêşa rojnamegerî bikerî, çimkî ma nêşa dekewî zaf cayan.
Dejê zaf girdî cuyayî
Tekîn ard ziwan ke şar bêçare mend ke bi beyraqê sipî keyeyanê xo ra bivejyî û wina vat: “Merdimî nêwaştênê ke keyeyanê xo ra bivejyî û cêrzemînan de cuyaynê. Ma cêrzemînan de şahidîya cuya hembar a malbatan kerd. Şima nêşkenî bibî wayîrê taxanê vengan, çimkî ger ke aye taxan de tay bicûyî se encax verika xo şima rê biakerî se şima eşkenî bibî wayîrê aye cayî. Tabloya Pîcasso ya bi nameyê Guernîca dejî ana ziwan la Cizîr de dejêkî zaf gird ameynê cuyayîş.
BÊRÎTAN ELYAKUT / JINHA