Prof. Dr. Bîrgul Açikyildiz Şengul teza xo ya zaningehê ser babetê êzidîyan sero nuştbîy, nê tezî ra kewt rayîr û romanek bi nameyê ‘êzidîy’ nuşt. Romana Bîrgul Açikyildiz çand, dîrok û bawerîya êzidîyan ke ver bi vindîbîyayîşî ra şono gêno mîyanê xo.
‘Xebatê qadî kerd’
Bîrgul Açikyildiz Şengul ke zaningeha Artukluyî de beşa hunerî de endama banderîye ya, ard ziwan ke wexto ke ya Fransayî de teza xo yê doktorayî viraştênê qerar girewto ke ser hunerê kurdan do xebat bikero û wina vat: “Min 8 serre xebatê pirtûkxane, arşîv û tayîn cayên kurdistanî de zî xebatê qadî meşna û no pirtûk hedre kerd.”
Bîrgul ard ziwan ke heme rîpelanê pirtûkî de yew ked esto û no zî serreyan xebatkerdişî reyde veto werte û domna: “Çîyo ke ez zaf bandor bîya teşeyê bîyayîşê no pirtûkî yo. Çimkî bi raywanîya zehmet no pirtûk ameyo nuştiş. Ez heta keye û dewê êzidîyan şîya û qaş kerda.”
MÊRDÎN/JINHA