Parlamenterê Partîya Demokratîke ya Şaran (HDP) yê verên û endamê Heyetê Îmrali Îdrîs Balûkenî, Hepisxaneyê Sîncanî de kitabo dîyin nuşt. Seke yeno zanayene kitabo yewin yê Balûkenî zî roman bi û bi nameyê ‘Uç Kirik Dal’ vejîyabi û eleqeyêko gird dîbi.
Balûken bi romanê “Oko”yî reya dîyina vejîyeno duştê wendoxanê xo. Romanê Balûkenî yo “Oko” do Weşanxaneyê Dîpnotî ra 14ê Hezîrane de bivejîyo û refanê kitaban de cayê xo bigêro. Balûkenî nê kitabî bi çimê kesanê bindest û heme heq û rûmetanê înan ke yenê înkarkerdene û vîndîkerdene nîyadano û dinyaya ke bi têklîyanê bê têduşt û bê tehamulan ameya mûnayene fîneno çimanê ma ver û romanî de kutikî vera merdimanê ke xozayî talan û weran kenê de vindenê
MA / ANQARA