Roşanê Remezanî û qetilkareya AKP

Mana Roşanê Remezanî Rojhelatê Mîyanên de alemê îslamî de, di Roşanê pîlî yenê bimbarekkerdiş. Roşanê Remezanî û Roşanê bowraqe. Roşanê Remezanî de alemê îslamî de hîris rojî roce yeno tepiştiş. Aşma Menga şevvalî de rojo verên ra pîya hîri rojî Roşanê muslimanan o. 

Roşanê Remezanî de o roj mislimanî fitir û sedeqa danê. No sepep ra zî eynî wexti de zî Roşanê fitirî yo. Wexto ke yew menge roce tepîşenê mana nê rocî zî perîzê pîzî yo yew hetra zî mirdey û veyşaney yena vîrdê mêrdiman feqîran ra sadeqa û fitir yeno dayîş. Tewr muhîm zî mana Roşanê Remezanî yew biyayîş o, biratey û pêameyiş o la gelo cêko hikûmatê AKP ameyo sere her aşma rocî û rojê Roşanî de şer, qirkerdiş û gunî rişena. 

Amerîka wexto ke Iraq dagir kerd aşma Remezanî de yew aşme şer vindarna. Amerîka dişmenê îsanana labelê ancî zî rojê aşma pîrozî muqadesî de hurmetê xo nawnena. AKP bi nameyê mislimanan ra vejîya ya raste la gelo alaqaya înano mislimaney qet çîn a. Bi mana rastî de yew misliman qet xo nêwesifneno nêvano min hinde merdimî kiştî qetil kerdî keyf nêkeno.

Şuraqaya Qesra Çeteyê AKP

Nê aşma Roceyê Remezanî de bi verên ra tepiştişê rojevî, Şerê soreşî ya Şemzînanî, Colemêrg, Gewer, Nisêbîn û Licê bî. Şuraqaya Qesra Çeteyê AKP nê aşme roceyê remezanî de heme tewr ra warê kurdan û daristanê kurdan bombardiman kerd û veşna. Dinyayî de tewr qetilkaro gird Amerîka û Israîl î, labelê nê qetikarê merdiman aşma Roceyê Remezanî de her wext pêameyîş îlan kenê. La dewleta Tirkîya sewbîna tewr yew dewleta qetilkar a. Bi name hesaban ra misliman a la gelo mislimaneyî ra tewr heme çîya. 

No tewr yewr barbar dewlete hema dinya de peyda nêbîya. La gelo merdim wexto ke fikirîyeno mabênê DAIŞ de û mabênê Tirkîya ra çi ferq esto. DAIŞ senîhewa bi nameyê îslamî ra însana qetil kena veşnena û dewleta Tirkîya zî eynî çî kena. Merdima qetil kena keyanê dewanê şarî veşnena, talan kena û dana koçkerdiş. Nê çen aşman mîyanî de çeteyê AKP Gimgim, Ferqîn, Sûr, Licê, Cîzir, Nisêbîn, Colemêrg, Gewer, Şirnex, nê heme şaristanî ganî ganî veşnay û çenday kes merdimî qir kerdî. Û hema zî nê qirkerdişanê xo dewam kena.

Konsepta îmhayî destpa kerda

Enka Licê de çeteyê AKP heme tewr qirkerdiş û veşnayîşî ra dewam kenî. Licê de nê çenday serrî yo ke şerê taybetî û şero qilêrin û kayanê xono qilêrina û taybetan dewam kena. Serewetartişê Şêx Seîdî ra tepîşe heyana ewro no dewleta qetilkare Licê ser o nê kayê xonê qilêrina her wext teze kena. Çeteyê Qesra AKP verba şarê kurdan top yekun yew şer û konsepta îmhayî dest pê kerda. Yew kinarî ra zî nê çeteyê Qesra AKP kam verba înan bêro se heme kesan galakerdiş virazena. 

Eno hewa kena ke top yekun vengê heme komelî birno û bigîro. Yanî no tewr konsepa galakerdişî û qirkerdişî AKP çi zîhnîyet ra kena û senîhewa bawerîya xo kena? Eno tewr yew raybaze ra zî naqokîya girde esta. Eno hewa yeno zanayîş ke AKP çi kena û nê heme çî înan ra kar maneno û nê sebeb ra zî hende har bena. No warî de komel bêvengo û şar bêveng o. Nazî sewbîna tewr AKP çidê xo wesifîyena? Çeteyê Qesra AKP verê verkan kurdî qetil kerdî û keyeyê înan veşna û dest mal û milkê înan sena. Nayra zî nêtikilîya wekîlanê kurdan hewanay. Dimra zî îradeyê kurdan ra dest sena û kena ke heme şaredarîyê kurdan ra dest seno û no warî de zî Qanûnê Bingeyî bivirazena. 

Hinî qal û qalîkerdiş nêmendo

No warî de weçîneteya şarê kurd zî nêmenda. No warî de na tam teslîm benê û îradeyê xo şiknenê û nazî xoverodayîşê xo dewam kenê. Sewbîna tewr weçîneteyî zî, xapênayîşî zî nêmenda. La no tewr zanayîş her kes zano. Labelê nê pawitiş çîyrê? No warî de di weçîneyî mendî ya teslîm û yan zî xoverodayşo muqadesî. Zatî no warî de dişmen sewbîna weçînetî nêverdaya. No warî de Tayyîp bi rewşa eşkerayî ra vano: “Ya şima ma reyde nazî şima cehpeyê terorî reyde yî.” Hînê ewta de sewbîna qale û qalîkerdiş nêmenda. No warî de bi tena hewnê mergî mendo û ganî şar nê hewnê giranê mergî bişikno û ruhê xo teze bikero. Ganî şar hewnê mergî xo rê şîrîn nêkero. Şehîdê ma no rewşa hewnê mergî ra gorê xo de qîrenê nalenê. Heyana key, Heyana key. 

Hinê no warî çi mend? Çekî nêmend. La şarê kurd û tirk se keno? Hewnê giranê mergî pawenê. No pawitişê hewnê mergî heyana key? Komel bêveng û bêhes o. Şar bêveng û bêhes o. La se beno? Kanî ruhê Kobanî? Kanê ruhê 14’ê Temmuzî? Kanî ruhê şehîdan? Kanî Amed? Ez bi xo no bêvengîya Amedî ra tersena. Sûr veşa û helîya. No warî de şarê Amedî zaf hîsigerîya xo nênawite. Nayra zî Licê veşena û helîyena ancî zî hewayê verî bêvengîya xirabe esta. Tewr çîyo xirab pawitiş o û pawitişê hewnê mergî yo. 

Bi esil çeteyê AKP nê pawitişê hewnê mergî ra paştî û destek gêna. Na zî sewbîna tewr zoreya rûteya AKP tena menda. No warî de AKP rûteya zorey tena menda. No tewr zorey zî sewbîna tewir weçîneteya AKP nêmenda. No warî de AKP bêçareyeya xora rêbazî zorî şixûlnena. Çimkî no warî de sewbîna weçîneteya AKP nêmenda. En zaf AKP encax nizdîyê yew serrî de eno tewr zoreya xo dewam kena. Hînê peyê nê zorey ra dimi zî nê çeteyê AKP ca nêveynenê ke biremê.