Merdeyê dayika Taybet Halît Înanî vist vîrî ke cenîya ci netîceyê hedef damûsnayiş de amê qetilkerden û aşkere kerd ke birayê ci ke waşt şiro yardimê ci zî bi eynî şiklî ame kişten.
Şahîdê bîyayiş û kiştişanê a çaxî Halît Înan bi nê vatişan qalî kerd: “Mi ambûlans bi seatan, roşan geyrîyaya la nêamey. Mi hewl da ke Taybet bi kindir bigîra nêbi. Taybet û birayê mi Yûsifî heta peynî xoverday. Vatî ke bi kitanekê sipî şima şenê bivejyê. Wexto ke ma bi kitanekê sipî (caw) vejîyayî ma gulevaran kerdî. Qe jew cayê dinyayî de zî zilmê winayî çinyo, nêameyo dîyen.”
Roşanê bê Taybet sekerime?
Halît Înanî aşkere kerd ke bin no zilmî de ê roşanî bimbarek nêkenê û wina va: “Roşano ke Taybet û Yûsif çinyo ma sekerê? Ma kurdan roşanekê raştîn nêdî. Tim û tim jan, qetlîam û wehşet dî. Tenya malbata ma ra 8 kesî hetê dewlet amey kişten. Ez hona sevaja?
‘Cayo ke boya maya xo bianca…’
Keynaya dayika Taybet Meryem Înan zî ana ziwan ke her şodirê roşanî de wexto ke a hewn ra werzîyaya sifte roşanê maya xo bimbarek kerd û va, nika hurendîya paçîkerdişê destê maya xo şinê ser mezeleyê ci.
Meryem Înan ke qiseykerdişî de zehmetî ant wina va: “No roşanî de maya mi çinya, wexto ke ma şodir de werzenê ay nêvînenê. Cayo ke boya maya xo bianca, antişê boya herî zehmet o.”
Wexto ke dayika Taybet bî dirbetin vistewreyê ci Yûsif Înan şi ci het û waşt ci bixelesno. La Yûsif Taybet zî ewja de ame qetilkerden û cenazeya ci 20 seatî erdî de mend. Pey ci de 6 domanê bê pî mendî. Cenîya Yûsif Înanî Aycan Înan ke dejê domanê cîyê ke bê pî mendî ancena persa, ‘roşano ke bîro bimbarek kerden esto? kerd. Înan kesê ke na zilmî înan rê rewa dî lanet kerd û va ‘Homa heqê ma erdî de vera nêdo.
DÎHA/ŞIRNEX