Kele kelê zerîyê min a.
Zerîya min de veng û awazeke min sot
û xo berz kena.
La…
Por sûre!
Merg çîno ti esta
Kiştiş tarîtî ya
To şewtarîye kişt a
To kiştişa mêrdeyi û zilmî kişt
Tarîtî çîna hindî hetê şima de
Roşnîya to hemeyê şewtarî yî…
Her şer û cuyê Sara destanêkê eşqî û gerayîşî heqîqetî ya. Ma her şerê ayî de vînenêy şer xulqnayîş pîrozî ya û geyrayişî heqîqatî pêrey şîyayiş a.
Şerî de cuyê Sara şerî agerayîşî ristimê merdimatî pîrozîyê kedê homavend a. Kiştişê cenî kiştişê rûmeta cenî ser na erdnîgarî de pê destêy mêrdê xayîn û zorderî tarîtî vila bîy, dagirkerd pêro dinyayî.
Şerê Sara pê weşikî û edaleta cenîya de ya. Hemverê tarîtî, koletî û zilm û zordarîya hezar seran de û xulqnayîşeke pîroz û rûmetin a. Şerî de roşnîkerdişê tarîtî amiya hakîmkerdiş. Vernîantişê înan de têkoşîna pîroz pê têkilîyê xo yê azad, hevaltî û rayembaztîya raştekin kuwe kerd a.
Cayê Sara lingê xo nawa ser, ca yeke zerîya xo resnawa ci, oca de eşqê azadî cuya weşîk bi heskerdiş û watedar zîl daya. Cayê ke Sara zerîyê xo, eşqê têkoşîna xo nêresnawa ci çîn a. Şerê ay binyate dîrokî û vîrdozîya azadî ser de serwistişê hezkerdişî yo. Şerî cuyê merdimatî, komeltî û gerdûnî yo. Ay semedî ra, hemverê pêrodayîşêy pergalî rey de payan ser de vinderta. Çi sazgeh û têkilîyê kamelêy kanwazan nêpejirînena.
Hemverê pêro sazgehêy pergalan de nakokîy xo açarnay pêrodayîşî. Nakokîy komelî reyde resnaya cayeke çareserî. Çareserkerdişê înan nakokîyan kerda bingeha şerê xo. Ne tepiştiş, ne zîndan, ne îşkenca zaliman nêeşkay vînê ay qels bikerêy. Sere nêrona erdî. Hemverê her hovîtî, hêrişkarî ay ra zî ay serê rûmetanêy şarê xo zî vîra nêkerdîy. têkoşîna xo xort kerd. Qirkerdîşê Sara, Rojbîn û Ronahî nîno qebûlkerdiş. Êrîşkar û hovî rayna merde yo. Parîs zî rîsîyaye yo...
Pêro pêrodayîşêy xo de serkewte bi. Her serra ay bi serkewtiş û weşey xulqkerdiş bi. Tewr bi tewr cayan de bi xorîney têkoşîna xo da. Ruhê xoverdayişî û têkoşînî xulqnayîşî, xora kerdbi xeta xo, û xoverdayîş û têkoşîna xo da. Seba eştbîyayîşê şaran. Serewedartişê cenîyan berzkerdîşê ruh û exlaqê komelkî xebat kerd.
Sara ma û heme merdîmatî ra bi roşnîya çiman û têkoşîna azadîyî. Ay şer kerd. Şer serwist. Rojê heqîqatî mojnena her embazê rayembazeya xo. Her kêna û lajekî têkoşîna înan rey de herî zerkunîya azadî mûsay û vernîya xo û pey xo de roşnîye day xo û dormeyê xo û zereyê Sarayî. Sara nîşanê rayembaztîyê raştekin ay mojna cênî û merdey herêma Mezopotamyayî. Helwesta Sara, ewnîyayişê Sara, rayembaztîya Sara rayira heqîqetî de cîddîyet û coşa şerê şorişgerî û eşqî mojnena ma. Helwesta ay reyde, ma ra vana wa no şer, no şoriş, no eşq asan bi azadîya ma serkewte bibo. Kareke asan nîyo û hinî bi rehetî zî ser nêkuno. La sewbîn rayira xelasîya cenîyan zî çîna. Pê cu û helwesta xo ma roşnî kena. A bi xo roşnî ya. Her dem çîrûskêy newey dekewtê çimanêy ay û ma germin kena. Çimêy ay bênêy yînê roşnayî rayembazanî xo rê, heme cenîyan rê. Roşnîya zerrîya ay ra neselyena yena çimêy ay. Gandarî û weşîkîya ruh, roşnê ay û coşê zerrîya Sara cuyê bîyayişa felsefê û azadîyî roşnî kena.
Sere de cenîya kurd û heme cenîyêy cîhanî ayra û xo ra azadî wazenêy. Zey xeta înan dostey do ma û heme kesan ra biwîyo. Biryara roşnîya Sara, Rojbîn û Ronahî yan do ma ra rayîr bimojno.
BEYAZ YAKUT