Roza biyayen pîroz bena
Serraçarnayena ronayinê PKK qezaya Colemêrg Gever de, bi coş û şayî bimbarek bî. Geverijhi taxa Mezelxane de peyê barîkatan de amey pêhet û bi sloganan, xoverdayişê Nisebîn silam kerdî. Şayî de sînevîzyonê derheqê tarixê PKK de, ame musnayen.
Cizîra Botan de coşê PKK
Cayê serhewedayinan, qezayê Şirnex Cizîra Botan de zî şar ronayenaê PKK bimbarek kerd. Bimbarekiyan de mesajê serva îdareyanê xoserey heta peynî xoverdayiş ame dayen. Bimbarekî de faşîzmê dewleta tirk rê nênazîbiyen ame damusnayen. Jew ca wo bîn o ke serragêra ronayişê PKK bimbarek bi qeza Sîlopî bi.Sîlopî de zî şar vejya mehleyan û kuçeyan de şayî viraştî. Roboskî de kî dewizan verê adir de bi wendina marşan roşana xoser ame bimbarek kerdin.
Roja biyayiş pîroz bena
Adana de zî bi tewrbiyena seyan welatijan roja ronayişê PKK bimbarek bi. Qezayanê Seyhan, Yuregîr û Ceyhan de şayî viraziyayî. Welatijan sloganê zey ‘Biciwe Serok Apo’, ‘PKK şar o, şar tiya de yo’ berz bî. Welatijan bi seatan bi deyranê hunermendanê MKM govend girotî. Bimbarekîn de Rayverê Şarê Kurd Abdullah Ocalan’î rê serbestî waziya. Verra hêrişanê dewlet yê verra xorayverîn vengê berzkerdişê tekoşîn ame dayen.
37. Serragêra PKK Amed, Dersim, Îzmîr, Agirî û sûkanê bîn de zî bimbarek bî.
Gerîlayan zî bimbarek kerd
Koyanê Kurdistan de zî ronayena 37. yê PKK hetê gerîlayanê HPG û YJA Star bimbarek bî. Azayê Komîtê Merkezî yê PKK Muzaffer Ayata, Nurettîn Sofî, Helîn Umît û azayê Konseya Raye ra Berdene yê KCK Xebat Andok kî tewrê toren bî.
Serragêra şarê Kurd
Merasîmê bimbarekîn de Azayê Komîteyê Merkezî yê PKK Muzaffer Ayata qeseykerd û hayr ant tarix û raştiya PKK ser. Ayata va: ‘Ewro tenya ronayena partiya ma nê, serraçarnayena biyayişê şarê Kurdî, xoser ameyena ci yo.’’ Ayata aşkere kerd ke, roja ameyina ewroyî de, rolê şehîdanê Kurdistan gird o û wina va: Heta ewro şehîdê ma, bî sedemê tekoşîna ma, ewro ra tepya zî ma dê pêrokîn leteyanê Kurdistan de, bi rihê Apocitî tekoşînê xo biramnê.
Badê qiseyanê Ayata’yî, sloganê ‘Bê Serok Weşî Nêbeno’ berz bî. Qeseykerdisan ra dima bernameyê şayî dest kerd ci. Bername de sifte komê koro ca girot. Peycoy skeç û tiyatroyê ke hetê gerîlayan amey hadre kerdin, damusniyay. Koma Awazê Çiya zî bername de ca girot û xeylê klam-deyrê ke serva PKK ameyê nuştayen vatî. Merasîmê bimbarekîn ebi girotişê govendan qediya.
ANF/BEHDÎNAN
Çimê serbestî PKK
Kordînasyonê Partiya Serbestî yê ceniyanê Kurdistan PAJK bi jû damûstayina nişteyî, 37. serraçarnayinê PKK pîroz kerd. Hereketê ceniyan va, çimê ceniya Kurd bi PKK abiya.
Kordînasyonî serraçarnayinê PKK, Rayverê Şarê Kurd Abdullah Ocalan’î rê, ceniyan rê, şarê Kurd û pêrokîn şaran rê bimbarek kerd.
Bi PKK ra piya ceniyan hikimdarî red kerd
PAJK pêrokîn şehîdê azadî vîrard û bi nê vatenan qalê muhîmîya ronayinê PKK kerd: Kurdistan de, bi ronayinê PKK, fina siftayin cenî hikmê camêrd û dewlet red kerd. Tifing girot destê xo û şarê xo pawit. Cesaret û qehremaniyê cenî, lejê Kurdistan’î de damûsniya. Ceniya Kurd verra pêrokîn fikrê cenî werdî fîneno, têkoşîn da û bi quwetê xo ciwiyayişê azad û xoverdayişî mûsê. Ceniya Kurd a ke, werişt ser pay, heme leteyanê Kurdistan’î de bedenê xo kerd jû û nika meterîsanê ravey de, xo û welatê xo pawena. Eno jî serkewtişê tewr gird ê PKK yo. Eno bi serê xo jew şoreş o. Şoreşê sosyalî, felsefîk, îdolojîk û polîtîk o. Xora PKK quwetê xo yê tewr vêşî zî, tiya ra gêna.
Azadiya ma azadiya Rayver Apo ya
Kordînasyonê PAJK damûstayin de eleqe ant hewldayen, emeg û rolê Rayverê Şarê Kurd Abdullah Ocalan’î yê serva-seweta serbestiya ceniyan ser. PAJK va: Ma cenî serbestî-azadiya xo, azadiya Rayver Apo de vînenê. PAJK veng da pêrokîn cenî û şaran ke, serva serbestiya Ocalan’î vengê xo berz kerê û werzê ser payan.
ANF/BEHDÎNAN
