Lejê en xirab û lîmin, lejê nameyê netew û dînî sero yo. Lejê Yemen jî, lejê winayin o. Enê lejî de qe jew menfatê şaran çiniyo. Dewletê maben netewî û dewletê herêmî, bi enê lejiya şaran pêjewin danê fetisinayin û guniya pêjewîn danê rijinayin.
Sabrî Ok vist vîrî ki, hukumetê tirk xo zey vera Serokdewletê Misirî Abdul Fetah Sîsî mûsnena û vat: ‘La belê nika derheqê lejê Yemenî de biyê jew. Iyê piya hereket kenê. Tirkiye û Misir hetê mezhebê sunî ca genê. Îran jî, hetê şîiyan ca geno. Tiya qe jew heqdarîn çiniyo. Teniya guniya şaran rijiyena û teniya dişmenîn bena xorî. Hetanî Miyanê Rojhilatî demokratîk mebo, hetanî perspektîfê demokratîka têkoşîn nêdiyo, îstikrar nîno. Heta tersê ci, dişmenîna bibo xorî’.
Ok derheqê helwestê hereketê kurd de jî wina vat
Ma zey PKK, tim û tim talukeyê lejê winayin ardo ziwan. Ma hertim wasto, şarê Miyanê Rojhilatî û merdimîn bi perspektîfê neteweyê demokratîk xo rêxistn bikirê. Ma tim wasto cuyayişê azad û zeypêyin berê ravey.
ROJNEWS