Zê her serre emserr kî Şahîya Kulturê Kirmancan hetê Komîtaya Înstîtutê Ziwan û Kulturê Kirmancî (ÎKK-e.V.) ra amaybî organîze kerdene.
Roja 5ê gulane, edi Berlîn yehata Werkstatt der Kulturen (Wissmannstr. 32, Berlin) de amêyê viraştene. Şahîya ke hetê Komîtaya Înstîtutê Ziwan û Kulturê Kirmancî ra amaybî organîze kerdene, bi beşdar bîyena xêyle kesan şewe de zaf hewle ame organîze kerdene.
Dest pêkerdena program de serekê ÎKK Lerzan Jandîlî 4ê gulane ser o yane qetlîamê Dêrsimî yê serra 1937-38î ser o bi kilmek qese kerd û Sêy Riza û Dêrsimijê ke qetlîam de weşîya xo kerda vindî bi hurmet amayî yadkerdene.
Na şahîye de hunermendo hêca Hesen Alî bi muzik û lawikanê xo, oncîya Pinar û Îmam Ozgul kî bi muzik û lawikanê xo û Îbrahîm Beyaz kî bi yew şîîra xo reng û veng da bi nê şandê kulturî û sahne de ca guret.
Şahîya Kulturê Kirmancan bi eleqeye de hewle, bi hewayê de zaf rin û bi veng û rengê Kirmanc û Kirmancîye şewe qedîye.
WUSÊNÊ GESTEMERDE / BERLÎN