Darêy DOSBî taxmînî temenê înan 15-20 serreyî bîy. Viraştişê organîzeyî de ameybîy çikkerdişî. Zafêreya înan çam bîy. La rayîrbereya DOSBî 27-28 hezîranî roja şeme û yewşemeyî heme darêy ke mîyanê rayîrî de kuwe kerdê hemeyan dabirnayişî. Goreya ke vajîya daran semedo ke rayîrî hîra bikerêy ra birnayê.
Heta ney gamî ma pê nêhesyay ke sazî û dezgeyê aleqedarê înan bi ekolojîyî esto mudahaleyeke kerdêy. Eke kerdbê se zî bi hawayeke loqal mendo. Ma zanêy ke her dareke canek a. Bi seyan daran DOSB birnayo û qirkerdişeke gird viraşto. Zafêreya daran zî darêy temene derg ra çam bi.
Lazimo ke rayîrberêy herêmî ney mijarî ser de sereyê xo bidejnêy. Çimkî ewro bi seyan daran semedê rayîrhîrakerdişî birnenê û vengê kesî nêvejyeno se talûkeyeke gird esto. Hetê bînî ra zafêreya daran hureynîya birnayişî de şikîyayê ke neqlê cayeke bînî bîyamaynêkerdiş. Çimkî kokê darêy ke birnayê zaf qalind nêeysayê. Şaredarî nêy kokan ra qalintirey darêy çaman wekerdê û cayeke bînî de ronayê, la DOSB bi seyan darêy ciwan qir kerd û mohra xo eşt binê qirkerdişeke.  

EHMEDÊ BIRA
AMED