Sancar’î ard ziwan ki AKP qandê HDP binê bendê weçînayinî de biterno, demê çareserîn û pêdiyinê bi Ocalan’a vindarnay û wina vat: “Eki AKP, encamê wastê bi dest bifînayê, ma nêzanayê aya senî hereket bikiro. La belê niha hewna aya siyasetê verê weçînayinî ramena. Oyo winî ayseno, aya goreyê ronayinê koalîsyonî hereket bikiro.”
Sancar’î vat ki, eki AKP bi MHP’a koalîsyon rono, aya heveyê tawîzan bido û wina dewam kerd: “Bi MHP’a koalîsyon yeno mahneyê temamî vindarnayinê demê çareserîn. Bi vatena bîna, siyasetê lejî bikewo dewre. Ez texmîn nêkena, MHP bişo rehet qererê lejî biramo.”
Sancar’î siyasetê meşgûlkerdin ê AKP jî rexne kerd û wast ki, meclîs bikewo dewre û wina vat: “KCK şertê xo ê qandê çareserîn eşkere kerdî. Wastena azadiyê Ocalanî ard ziwan. Eno wastenê ca de û heqdar o. Lazimo hukumet wastenan qebûl bikiro. Ocalan bişo bibo wayirê şertanê azad. Eynî wext de, adirbirnayinê rastîn estbo. Meclîs bikewo dewre û qanûnanê lazim vejo.”
DÎHA/AENQERE